Mangaluru ಹಲ್ಲೆ, ಜೀವಬೆದರಿಕೆ: ಆರೋಪಿಯ ಬಂಧನ

ಮಂಗಳೂರು: ಬ್ಲೇಡ್‌ನಿಂದ ಹಲ್ಲೆ ನಡೆಸಿ ಜೀವಬೆದರಿಕೆಯೊಡ್ಡಿದ ಆರೋಪಿಯನ್ನು ಮಂಗಳೂರು ದಕ್ಷಿಣ ಠಾಣೆಯ ಪೊಲೀಸರು ಬಂಧಿಸಿದ್ದಾರೆ.

ಶುಕ್ರವಾರ ರಾತ್ರಿ 10.15ರ ಸುಮಾರಿಗೆ ನಗರದ ಸರ್ವೀಸ್‌ ಬಸ್‌ ನಿಲ್ದಾಣದ ಗೂಡಂಗಡಿ ಮುಂಭಾಗ ಫುಲ್ ಪಾತ್‌ನಲ್ಲಿ ಈರಪ್ಪ ಕುರಿ ಆಲಿಯಾಸ್‌ ವೀರೇಶ್‌ ಮದ್ಯ ಸೇವಿಸಿದ ಬಿಲ್‌ನ ಹಣವನ್ನು ಕೊಡುವಂತೆ ಮೊಹಮ್ಮದ್‌ ಹನೀಫ್ನಲ್ಲಿ ಕೇಳಿದ್ದ. ಆಗ ಮೊಹಮ್ಮದ್‌ ಹನೀಫ್ ವೀರೇಶ್‌ನನ್ನು ಕೊಲೆ ಮಾಡುವ ಉದ್ದೇಶದಿಂದ ಫೋಲ್ಡಿಂಗ್‌ ಬ್ಲೇಡ್‌ನಿಂದ ವೀರೇಶ್‌ನ ಕೈ ಹಾಗೂ ಕುತ್ತಿಗೆಗೆ ಹಲ್ಲೆ ನಡೆಸಿ ಜೀವಬೆದರಿಕೆಯೊಡ್ಡಿ ಪರಾರಿಯಾಗಿದ್ದ.

ಆರೋಪಿ ಮೊಹಮ್ಮದ್‌ ಹನೀಫ್(30)ನನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗಿದ್ದು ನ್ಯಾಯಾಂಗ ಬಂಧನದಲ್ಲಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.