ಬ್ಯಾಗಿನಲ್ಲಿ 15 ಸಜೀವ ಗುಂಡು : ವಿಮಾನ ಪ್ರಯಾಣಿಕ ಅರೆಸ್ಟ್‌

ಹೊಸದಿಲ್ಲಿ : ಛತ್ತೀಸ್‌ಗಢದ ರಾಯಪುರಕ್ಕೆ ಹೋಗುತ್ತಿದ್ದ ಪ್ರಯಾಣಿಕನೊಬ್ಬನ ಚೀಲದಲ್ಲಿ 15 ಸಜೀವ ಗುಂಡುಗಳು ಪತ್ತೆಯಾದ ಹಿನ್ನೆಲೆಯಲ್ಲಿ ಆತನನ್ನು ದಿಲ್ಲಿ ಏರ್‌ ಪೋರ್ಟಿನಲ್ಲಿ ಇಂದು ಬುಧವಾರ ಬಂಧಿಸಲಾಯಿತೆಂದು ಅಧಿಕಾರಿಗಳು ತಿಳಿಸಿದ್ದಾರೆ. 

ಆರ್‌ ತನೇಜಾ ಎಂಬ ಹೆಸರಿನ ಪ್ರಯಾಣಿಕನ ಬ್ಯಾಗಿನಲ್ಲಿ ಪಾಯಿಂಟ್‌ 32 ಎಂಎಂ ಕ್ಯಾಲಿಬರ್‌ನ 15 ಸಜೀವ ಗುಂಡುಗಳು ಇದ್ದುದನ್ನು ಇಂದಿರಾ ಗಾಂಧಿ ಇಂಟರ್‌ನ್ಯಾಶನಲ್‌ ಏರ್‌ ಪೋರ್ಟಿನ ಎಕ್ಸ್‌ ರೇ ಸ್ಕ್ಯಾನರ್‌ ನಲ್ಲಿ ಓರ್ವ ಸಿಐಎಸ್‌ಎಫ್ ಅಧಿಕಾರಿ ಪತ್ತೆ ಹಚ್ಚಿದರು.