Delhi Government: ಕೇಜ್ರಿ ಯೋಜನೆಗಳಿಗೆ ನೋಂದಣಿ ಶುರು ಮಾಡಿಲ್ಲ

ಹೊಸದಿಲ್ಲಿ: ದಿಲ್ಲಿ ಚುನಾವಣೆ ಹಿನ್ನೆಲೆಯಲ್ಲಿ ಆಪ್‌ ಮತದಾರರನ್ನು ಸೆಳೆಯಲು ಘೋಷಣೆ ಮಾಡಿದ್ದ ಮಹಿಳಾ ಸಮ್ಮಾನ್‌ ಯೋಜನೆ ಮತ್ತು ಸಂಜೀವಿನಿ ಯೋಜನೆಗಳಿಗೆ ನೋಂದಣಿ ಶುರು ಮಾಡಿಲ್ಲ ಎಂದು ದಿಲ್ಲಿಯ ಆರೋಗ್ಯ, ಮಹಿಳಾ ಅಭಿವೃದ್ಧಿ ಇಲಾಖೆಗಳು ಸ್ಪಷ್ಟನೆ ನೀಡಿವೆ.

ಆ 2 ಯೋಜನೆಗಳನ್ನು ಸರಕಾರ ಹೊಂದಿಲ್ಲ. ಅದಕ್ಕೆ ನೋಂದಣಿ ಶುರು ಮಾಡಲಾಗಿಲ್ಲ. ಹೀಗಾಗಿ, ಯಾರೂ ವೈಯಕ್ತಿಕ ಮಾಹಿತಿ ನೀಡಬೇ­ಕಾಗಿಲ್ಲ ಎಂದು 2 ಇಲಾಖೆಗಳು ಮಾಧ್ಯಮ ಪ್ರಕಟನೆ ನೀಡಿವೆ.

ಈ ಬೆಳವಣಿಗೆ ಬಗ್ಗೆ ಮಾಜಿ ಸಿಎಂ ಅರವಿಂದ ಕೇಜ್ರಿವಾಲ್‌ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಅಧಿ ಕಾರಿಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗುತ್ತದೆ ಎಂದು ಸಿಎಂ ಆತಿಶಿ ಹೇಳಿದ್ದಾರೆ. ಇದರಿಂದಾಗಿ ಆಪ್‌ ಮತ್ತು ದಿಲ್ಲಿ ಸರಕಾರದ ನಡುವೆ ಹೊಂದಾಣಿಕೆ ಕೊರತೆ ಇದೆ ಎಂಬ ವಿಶ್ಲೇಷಣೆಗಳೂ ನಡೆದಿವೆ.