ಸಿಲಿಂಡರ್‌ಗಳಲ್ಲಿ ಮದ್ಯ ಕಳ್ಳಸಾಗಣೆ!

ಪಾಟ್ನಾ: ಬಿಹಾರದಲ್ಲಿ ನಿತೀಶ್‌ ಕುಮಾರ್‌ ಮುಖ್ಯಮಂತ್ರಿಯಾದ ಮೇಲೆ ಮದ್ಯಮಾರಾಟಕ್ಕೆ ಸಂಪೂರ್ಣ ನಿಷೇಧ ಹೇರಲಾಗಿದೆ. ಹಾಗಂತ ಅಲ್ಲಿ ಮದ್ಯಪಾನವೇನು ನಿಂತಿಲ್ಲ! ಇದಕ್ಕೆ ನೂತನ ಸಾಕ್ಷ್ಯವೊಂದು ಲಭಿಸಿದೆ.

ಪಾಟ್ನಾದ ಸಬಲ್ಪುರ ದಿಯಾರ ಎಂಬ ಪ್ರದೇಶದಲ್ಲಿ ಭೂಷಣ್‌ ರಾಯ್‌ ಎಂಬ ವ್ಯಕ್ತಿಯೊಬ್ಬ ಎಲ್ಪಿಜಿ ಸಿಲಿಂಡರ್‌ಗಳಲ್ಲಿ ಮದ್ಯವನ್ನು ಸಾಗಿಸಿ ಸಿಕ್ಕಿಬಿದ್ದಿದ್ದಾರೆ. ಖಚಿತ ಮಾಹಿತಿ ಮೇರೆಗೆ ಪೊಲೀಸರು ದಾಳಿ ನಡೆಸಿದ್ದಾರೆ.

ಬಂಧಿತ ಭೂಷಣ್‌ ರಾಯ್‌ ಸಿಲಿಂಡರ್‌ ಕೆಳಭಾಗವನ್ನು ಕತ್ತರಿಸಿ ಅದರಲ್ಲಿ 14 ಲೀ. ಮದ್ಯವನ್ನು ಬಾಟಲಿಗಳಲ್ಲಿ ತುಂಬಿಸಿ ಇಟ್ಟಿದ್ದಾನೆ. ಈ ಸಿಲಿಂಡರ್‌ಗಳು ಪಕ್ಕಾ ಹೊಸತಾಗಿದ್ದರಿಂದ ಇದರಲ್ಲಿ ಸಾರಾಯಿ ಇರಲಿ ಇರಲು ಎಂದು ಊಹಿಸುವುದೇ ಕಷ್ಟ. ಇದನ್ನು ನೋಡಿ ಸ್ವತಃ ಪೊಲೀಸರೇ ಅಚ್ಚರಿಗೊಂಡಿದ್ದಾರೆ.