ಮಲ್ಯ ವಿರುದ್ಧ ಯು.ಕೆ. ಕೋರ್ಟ್‌ಗೆ ಶೀಘ್ರ ಸಾಕ್ಷ್ಯ

ಹೊಸದಿಲ್ಲಿ: ಸರಕಾರಿ ಸ್ವಾಮ್ಯದ ಬ್ಯಾಂಕ್‌ಗಳಿಗೆ 9 ಸಾವಿರ ಕೋಟಿ ರೂ. ವಂಚಿಸಿದ ಆರೋಪಕ್ಕೆ ಗುರಿಯಾಗಿರುವ ಉದ್ಯಮಿ ವಿಜಯ ಮಲ್ಯರ ವಿರುದ್ಧ ಜಾರಿ ನಿರ್ದೇಶನಾಲಯ ಮತ್ತು ಸಿಬಿಐನ ಅಧಿಕಾರಿಗಳ ವಿಶೇಷ ತಂಡ ಯುನೈಟೆಡ್‌ ಕಿಂಗ್‌ಡಮ್‌ನ ಕೋರ್ಟ್‌ ಮುಂದೆ ಹೆಚ್ಚಿನ ಸಾಕ್ಷ್ಯ ಸಲ್ಲಿಸಲಿದೆ. ಇಷ್ಟು ಮಾತ್ರವಲ್ಲದೆ ಕಳೆದ ತಿಂಗಳು ಮುಂಬೈನ ಕೋರ್ಟ್‌ ಒಂದಕ್ಕೆ ಜಾರಿ ನಿರ್ದೇಶನಾಲಯ ಸಲ್ಲಿಸಿದ ಆರೋಪ ಪಟ್ಟಿಯ ವಿವರಗಳನ್ನೂ ಅಲ್ಲಿನ 
ಕೋರ್ಟ್‌ಗೆ ಸಲ್ಲಿಕೆ ಮಾಡಲಾಗುತ್ತದೆ. ಅಲ್ಲಿನ ಮುಖ್ಯ ನ್ಯಾಯವಾದಿಗೆ ಆರೋಪ ಪಟ್ಟಿಯಲ್ಲಿರುವ ಅಂಶಗಳ ಬಗ್ಗೆ ವಿವರವಾಗಿ ಮಾಹಿತಿ ನೀಡಲಾಗುತ್ತದೆ. 

ಸಾಮಾನ್ಯ ಕೈದಿಯಂತೆಯೇ ಕ್ರಮ: ಒಂದು ವೇಳೆ ಉದ್ಯಮಿ ವಿಜಯ ಮಲ್ಯ ಬ್ರಿಟನ್‌ನಿಂದ ಗಡಿಪಾರಾಗಿ ಭಾರತಕ್ಕೆ ಬಂದರೆ, ಇಲ್ಲಿನ ಜೈಲುಗಳಲ್ಲಿ ಅವರಿಗೆ ವಿಶೇಷ ವ್ಯವಸ್ಥೆ ಕಲ್ಪಿಸಲಾಗುವುದಿಲ್ಲ. ಸಾಮಾನ್ಯ ಕೈದಿಗಳಿಗೆ ಯಾವ ನೀತಿ ಅನುಸರಿಸಲಾಗುತ್ತದೆಯೋ ಅದನ್ನೇ ನೀಡಲಾಗುತ್ತದೆ. ಲಂಡನ್‌ ಬೇಟಿ ವೇಳೆ ಕೇಂದ್ರ ಗೃಹ ಕಾರ್ಯದರ್ಶಿ ರಾಜೀವ್‌ ಮೆಹೆರ್ಷಿ ಈ ಮಾಹಿತಿ ನೀಡಿದ್ದಾರೆ.