ತಿರುವನಂತಪುರಂ: ಖ್ಯಾತ ಮಲಯಾಳಂ ನಟ ಹಾಗೂ ಮಿಮಿಕ್ರಿ ಕಲಾವಿದ ಕಲಾಭವನ್ ಹನೀಫ್ ಗುರುವಾರ ಕೊಚ್ಚಿಯಲ್ಲಿ ನಿಧನರಾಗಿದ್ದಾರೆ. ಅವರಿಗೆ 63 ವರ್ಷ ವಯಸ್ಸಾಗಿತ್ತು.
ಉಸಿರಾಟದ ಸಮಸ್ಯೆಯಿಂದ ಬಳಲುತ್ತಿದ್ದ ಅವರು ಎರ್ನಾಕುಲಂನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದರು ಎನ್ನಲಾಗಿದೆ.
ಎರ್ನಾಕುಲಂ ಜಿಲ್ಲೆಯ ಮತ್ತಂಚೇರಿಯ ಹಮ್ಜಾ ಮತ್ತು ಜುಬೈದಾ ದಂಪತಿಯ ಪುತ್ರನಾಗಿದ್ದ ಮುಹಮ್ಮದ್ ಹನೀಫ್ ಮೂಕಾಭಿನಯ ನಟರಾಗಿದ್ದರು. ನಾಟಕದ ಮೂಲಕ ತಮ್ಮ ನಟನಾ ವೃತ್ತಿಯನ್ನು ಆರಂಭಿಸಿದ ಅವರು ನಂತರ ಮಲಯಾಳಂ ಚಿತ್ರರಂಗದಲ್ಲಿ ಸಣ್ಣ ಪಾತ್ರಗಳೊಂದಿಗೆ ಸಕ್ರಿಯರಾದರು. ಕೇರಳದಲ್ಲಿ ಮಿಮಿಕ್ರಿ ಕಲೆಯನ್ನು ಜನಪ್ರಿಯಗೊಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ ಪ್ರಸಿದ್ಧ ಪ್ರದರ್ಶನ ತಂಡದ ಕಲಾಭವನದ ಸದಸ್ಯರಾಗಿದ್ದರು.
ಕಲಾಭವನದಲ್ಲಿ ಅವರ ಅನೇಕ ಸಹ ಕಲಾವಿದರಂತೆ, ಹನೀಫಾ ಕೂಡ ಹಾಸ್ಯ ಪಾತ್ರದ ಮೂಲಕ ಸಿನಿಮಾ ಜಗತ್ತಿಗೆ ಪ್ರವೇಶಿಸಿದರು. ಚೆಪ್ಪುಕಿಲುಕ್ಕನ ಚಂಗತಿ ಅವರ ಮೊದಲ ಚಿತ್ರ. ನಂತರ ಅವರು 300 ಕ್ಕೂ ಹೆಚ್ಚು ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ, ಅವುಗಳಲ್ಲಿ ಬಹುಪಾಲು ಹಾಸ್ಯಮಯ ಪಾತ್ರಗಳೇ ಆಗಿತ್ತು.
ಕಲಾಭವನ್ ಅವರು ಪತ್ನಿ ವಹಿದಾ ಮತ್ತು ಮಕ್ಕಳಾದ ಸಿತಾರಾ ಹನೀಫ್ ಮತ್ತು ಶಾರುಖ್ ಹನೀಫ್ ಅವರನ್ನು ಅಗಲಿದ್ದಾರೆ.
ಇದನ್ನೂ ಓದಿ: War: ಯುದ್ಧದ ಗೆಲುವಿಗಿಂತ ಗಾಜಾಪಟ್ಟಿ ಆಡಳಿತ ನಮ್ಮ ಹಿಡಿತಕ್ಕೆ ಬರಬೇಕು: ಇಸ್ರೇಲ್‌ ಘೋಷಣೆ
