Malaika Arora: ಮಲೈಕಾಗೆ ಎರಡನೇ ಮದುವೆ ಯಾವಾಗ ಎಂದು ಪ್ರಶ್ನೆ ಕೇಳಿದ ಮಗ; ಶಾಕ್‌ ಆದ ಮುನ್ನಿ

ಮುಂಬಯಿ: ಬಾಲಿವುಡ್‌ ನಟಿ ಮಲೈಕಾ ಆರೋರಾ ಒಂದಲ್ಲ ಒಂದು ವಿಚಾರದಿಂದ ಸುದ್ದಿಯಲ್ಲಿರುತ್ತಾರೆ. ಮಲೈಕಾ ಅವರ ಮಗ ಕಾರ್ಯಕ್ರಮವೊಂದರಲ್ಲಿ ಅವರ ಬಳಿ ಕೇಳಿದ ಪ್ರಶ್ನೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಅರ್ಬಾಜ್ ಖಾನ್ – ಮಲೈಕಾ ಅರೋರಾ ಅವರ ಪುತ್ರ ಅರ್ಹಾನ್ ಖಾನ್ ಚಾಟ್ ಶೋವೊಂದರಲ್ಲಿ ತಮ್ಮ ತಾಯಿಯ ಬಳಿ ಪ್ರಶ್ನೆಯೊಂದನ್ನು ಕೇಳಿ ಪೇಚಿಗೆ ಸಿಲುಕುವಂತೆ ಮಾಡಿದ್ದಾರೆ.

ಅರ್ಬಾಜ್‌ ಖಾನ್‌ ಹಾಗೂ ಮಲೈಕಾ 19 ವರ್ಷಗಳ ದಾಂಪತ್ಯ ಜೀವನಕ್ಕೆ 2017 ರಲ್ಲಿ ವಿಚ್ಛೇದನ ನೀಡಿದ್ದರು. ಈ ದಂಪತಿಗೆ ಅರ್ಹಾನ್‌ ಖಾನ್‌ ಎನ್ನುವ ಮಗನಿದ್ದಾನೆ. ಪರಸ್ಪರ ದೂರವಾದರೂ ಆಗಾಗ ತನ್ನ ಮಗನ ಜೊತೆಯಲ್ಲಿ ಮಲೈಕಾ ಹಾಗೂ ಅರ್ಬಾಜ್‌ ಕಾಣಿಸಿಕೊಳ್ಳುತ್ತಾರೆ.

ಮಲೈಕಾ ತನ್ನಗಿಂತ ಕಿರಿಯನಾಗಿರುವ ಅರ್ಜುನ್‌ ಕಪೂರ್‌ ಜೊತೆ ಡೇಟ್‌ ನಲ್ಲಿದ್ದಾರೆ. ಇವರಿಬ್ಬರ ಡೇಟಿಂಗ್‌ ವಿಚಾರ ಮದುವೆಯ ಹಂತದವರೆಗೂ ಬಂದಿದೆ. ಆಗಾಗ ಮದುವೆ ವಿಚಾರ ಪ್ರಸ್ತಾಪಕ್ಕೆ ಬಂದಿದೆ. ಆದರೆ ಇಬ್ಬರು ಈ ಬಗ್ಗೆ ಅಷ್ಟಾಗಿ ಯೋಚನೆ ಮಾಡಿಲ್ಲ.

ಇನ್ನು ಅರ್ಬಾಜ್‌ ಖಾನ್‌ ಇತ್ತೀಚೆಗೆ ಶುರಾ ಖಾನ್ ಅವರನ್ನು ವಿವಾಹವಾಗಿದ್ದಾರೆ.

ಅರ್ಹಾನ್‌ ಖಾನ್‌ ನಡೆಸಿಕೊಡುವ ಚಾಟ್‌ ಶೋ ‘ಧಮ್ ಬಿರಿಯಾನಿ’ ಕಾರ್ಯಕ್ರಮದಲ್ಲಿ ಇತ್ತೀಚೆಗೆ ಮಲೈಕಾ ಅವರು ಭಾಗಿಯಾಗಿದ್ದಾರೆ. ಈ ಚಾಟ್‌ ಶೋನಲ್ಲಿ ಮುಕ್ತವಾಗಿ ವೈಯಕ್ತಿಕ ವಿಚಾರದ ಬಗ್ಗೆಯೂ ಪ್ರಶ್ನೆಯನ್ನು ಕೇಳಲಾಗಿದೆ.

ಅರ್ಹಾನ್‌ ಖಾನ್‌ ತನ್ನ ತಾಯಿಯ ಬಳಿ, “ನೀವು ಯಾವಾಗ ಮದುವೆ ಆಗಲಿದ್ದೀರಿ ಹೇಳಿ” ಎಂದು ಪ್ರಶ್ನಿಸಿದ್ದಾರೆ. ಅದಕ್ಕೆ ಮಲೈಕಾ ತನ್ನ ಮಗನ ಬಳಿಯೇ “ನೀವು ನಿನ್ನ ವರ್ಜಿನಿಟಿ(ಕನ್ಯತ್ವ) ಯಾವಾಗ ಕಳೆದುಕೊಂಡಿದ್ದೀಯಾ?” ಎಂದು ಕೇಳಿದ್ದಾರೆ ಇದಕ್ಕೆ ಅರ್ಹಾನ್‌ ಏನನ್ನು ಉತ್ತರಿಸದೇ ಸುಮ್ಮನೇ ಕೂತಿದ್ದಾರೆ.

ಸದ್ಯ ಈ ಕಾರ್ಯಕ್ರಮದ ಟೀಸರ್‌ ಮಾತ್ರ ರಿಲೀಸ್‌ ಮಾಡಲಾಗಿದ್ದು, ಪೂರ್ತಿ ಕಾರ್ಯಕ್ರಮ ಬುಧವಾರ(ಏ.17 ರಂದು) ರಾತ್ರಿ 8 ಗಂಟೆಗೆ ಪ್ರಸಾರವಾಗಲಿದೆ. ʼಧಮ್‌ ಬಿರಿಯಾನಿʼ ಯೂಟ್ಯೂಬ್‌ ನಲ್ಲಿ ಪ್ರಸಾರವಾಗಲಿದೆ.