ಮರಾಠ ಮೀಸಲು ನಿರ್ಧಾರಕ್ಕೆ ಪಂಕಜಾ ಮುಂಢೆಯನ್ನು ಸಿಎಂ ಮಾಡಿ: ಶಿವಸೇನೆ

ಮುಂಬಯಿ : ‘ಮರಾಠ ಮೀಸಲು ಕಡತವನ್ನು ವಿಲೇವಾರಿ ಮಾಡಲು ಸಂಪುಟ ಸಹೋದ್ಯೋಗಿ ಪಂಕಜಾ ಮುಂಢೆ ಅವರನ್ನು ಕನಿಷ್ಠ ಒಂದು ತಾಸಿನ ಮಟ್ಟಿಗೆ ಮುಖ್ಯಮಂತ್ರಿಯನ್ನಾಗಿ ಮಾಡಿ’ ಎಂದು ಶಿವಸೇನೆ, ಮುಖ್ಯಮಂತ್ರಿ ದೇವೇಂದ್ರ ಫ‌ಡ್ನವೀಸ್‌ ಅವರಿಗೆ ವ್ಯಂಗ್ಯದಿಂದ ಹೇಳಿದೆ. 

“ಒಂದೊಮ್ಮೆ ಮರಾಠ ಮೀಸಲು ವಿಷಯ ನನ್ನ ಟೇಬಲ್‌ ಮೇಲೆ ಇರುತ್ತಿದ್ದರೆ ಒಂದು ನಿಮಿಷವೂ ವಿಳಂಬಿಸದೆ ನಾನು ನಿರ್ಧಾರ ಕೈಗೊಳ್ಳುತ್ತಿದ್ದೆ ‘ ಎಂದು ಫ‌ಡ್ನವೀಸ್‌ ಸಂಪುಟದಲ್ಲಿ ಗ್ರಾಮಾಭಿವೃದ್ಧಿ ಸಚಿವೆಯಾಗಿರುವ ಪಂಕಜಾ ಮುಂಢೆ ಹೇಳಿದ್ದರು. 

‘ಹಾಗಿರುವಾಗ ಇದರ ಅರ್ಥವೇನೆಂದರೆ ಸರಕಾರ ಮರಾಠ ಮೀಸಲು ವಿಷಯದಲ್ಲಿ ಅನಗತ್ಯವಾಗಿ ಮೀನ-ಮೇಷ ಎಣಿಸುತ್ತಿದೆ ಎಂಬುದು ಸ್ಪಷ್ಟವಿದೆ’ ಎಂದು ಶಿವಸೇನೆ ತನ್ನ “ಸಾಮನಾ’ ಮುಖವಾಣಿಯಲ್ಲಿ ಹೇಳಿದೆ.