ತಪ್ಪಿದ ವಿಮಾನಗಳ ಮುಖಾಮುಖಿ!: ದೆಹಲಿ ನಿಲ್ದಾಣದಲ್ಲಿ ಘಟನೆ

ಹೊಸದಿಲ್ಲಿ: ಇಲ್ಲಿನ ಇಂದಿರಾ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಶುಕ್ರವಾರ ವಿಮಾನಗಳೆರಡರ ಮುಖಾಮುಖಿ ಕ್ಷಣದಲ್ಲೇ ತಪ್ಪಿ ಹೋಗಿದೆ. 

ಪಿಟಿಐ ಸುದ್ದಿ ಸಂಸ್ಥೆ  ವರದಿ ಮಾಡಿರುವಂತೆ ದೆಹಲಿಯಿಂದ ಗೋವಾಗೆ 122 ಪ್ರಯಾಣಿಕನ್ನು ಹೊತ್ತು  ರನ್‌ ವೇ 28 ರಲ್ಲಿ ಪ್ರಯಾಣ ಆರಂಭಿಸಿದ್ದ ಏರ್‌ ಇಂಡಿಯಾ ವಿಮಾನದ ಪೈಲಟ್‌ಗೆ ಏರ್‌ ಟ್ರಾಫಿಕ್‌ ಕಂಟ್ರೋಲರ್‌ ಮೂಲಕ ಕರೆ ಮಾಡಿ ಹಿಂದಕ್ಕೆ ಕರೆಸಿಕೊಳ್ಳಲಾಗಿದೆ. 11.15 ಕ್ಕೆ ವಿಮಾನ ರನ್‌ ವೇಯಿಂದ ಸರಿದರೆ ಕೆಲವೇ ನಿಮಿಷಗಳಲ್ಲಿ ರಾಂಚಿಯಿಂದ ಬಂದ ಇಂಡಿಗೊ ವಿಮಾನ ಪಕ್ಕದಲ್ಲಿದ್ದ  ರನ್‌ವೇ 27 ರಲ್ಲಿ ಬಂದಿಳಿದಿದೆ. ಎಟಿಸಿ ಸಕಾಲಿಕ ಸಲಹೆಯಿಂದ ಭಾರೀ ಅವಘಡ ತಪ್ಪಿಹೋಗಿದೆ. 

ಸಾಮಾನ್ಯವಾಗಿ 27 ಮತ್ತು 28 ರನ್‌ವೇಗಳು ತೀರಾ ಹತ್ತಿರದಲ್ಲಿರುವ ಕಾರಣ ಒಂದೇ ಸಮಯದಲ್ಲಿ ಹಾರಾಟ ನಡೆಸುವುದು ಅಪಾಯಕಾರಿಯಾಗಿದೆ.