Maharashtra: ನಿಗದಿತ ಮಾರ್ಗ ಬಿಟ್ಟು ಬೇರೆಡೆ ಸಾಗಿದ ವಂದೇ ಭಾರತ್‌ ರೈಲು!

ಮುಂಬಯಿ: ಥಾಣೆಯ ದಿವಾ ರೈಲ್ವೇ ನಿಲ್ದಾಣದಲ್ಲಿ ಉಂಟಾದ ತಾಂತ್ರಿಕ ದೋಷದಿಂದಾಗಿ, ಛತ್ರಪತಿ ಶಿವಾಜಿ ಮಹರಾಜ ಟರ್ಮಿನಸ್‌ನಿಂದ ಮಡಗಾಂವ್‌ ಹೊರಟಿದ್ದ ವಂದೇ ಭಾರತ್‌ ರೈಲೊಂದು ಅನ್ಯ ಮಾರ್ಗದಲ್ಲಿ ಚಲಿಸಿದ ಘಟನೆ ಸೋಮವಾರ ನಡೆದಿದೆ.

ದಿವಾ ನಿಲ್ದಾಣದಿಂದ ಬೆಳಗ್ಗೆ 6:10ರ ಸುಮಾರಿಗೆ ಪನ್ವೇಲ್‌ ಕಡೆ ಸಾಗಬೇಕಾಗಿದ್ದ ರೈಲು, ಬದಲಾಗಿ ಕಲ್ಯಾಣ್‌ ಮಾರ್ಗದಲ್ಲಿ ಸಾಗಿದೆ.

ಬಳಿಕ ಆ ರೈಲನ್ನು ಮತ್ತೊಮ್ಮೆ ದಿವಾ ನಿಲ್ದಾಣಕ್ಕೆ ಹಿಂತಂದು ನಿಗದಿತ ಮಾರ್ಗದಲ್ಲಿ ಸಾಗುವಂತೆ ಮಾಡಲಾಗಿದೆ. ಇದರಿಂದಾಗಿ ಮುಂಬೈನ ಸ್ಥಳೀಯ ರೈಲುಗಳ ಕಾರ್ಯಾಚರಣೆಯಲ್ಲಿ ತೊಡಕುಂಟಾಯಿತು.