ಅಪ್ರಾಪ್ತ ವಯಸ್ಕ ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯ : ಮದರಸಾ ಶಿಕ್ಷಕ ಅರೆಸ್ಟ್‌

ತಿರುವನಂತಪುರಂ: ಹಲವು ಅಪ್ರಾಪ್ತ ವಯಸ್ಕ ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಆರೋಪಿ ಮದರಸ ಶಿಕ್ಷಕನೊಬ್ಬನನ್ನು ಪೊಲೀಸರು ಬಂಧಿಸಿದ್ದಾರೆ.

ಬಂಧಿತ ಆರೋಪಿ 63 ರ ಹರೆಯದ ಯೂಸುಫ್ ಎನ್ನುವವನಾಗಿದ್ದು, ತಲಯೋಲಪರಂಬುವಿನ ಕೊಡುಂಗಲ್ಲೂರಿನಲ್ಲಿ ವಶಕ್ಕೆ ಪಡೆಯಲಾಗಿದೆ.

ಡಜನ್‌ಗೂ ಹೆಚ್ಚು ಮಕ್ಕಳ ಮೇಲೆ ನಿರಂತರವಾಗಿ ಲೈಂಗಿಕ ಕಿರುಕುಳ ನಡೆಸಿರುವ ಬಗ್ಗೆ ಪೊಲೀಸರ ಬಳಿ ಬಾಯಿ ಬಿಟ್ಟಿರುವುದಾಗಿ ವರದಿಯಾಗಿದೆ, ಮಾತ್ರವಲ್ಲದೆ ತನ್ನಮೇಲೂ ಬಾಲಕನಾಗಿದ್ದಾಗ ಲೈಂಗಿಕ ದೌರ್ಜನ್ಯ ನಡೆದಿತ್ತು, ನಾನು ಆ ಸೇಡನ್ನು ಆತನ ಮಗಳ ಮೇಲೆ ದೌರ್ಜನ್ಯ ಎಸಗಿ ತೀರಿಸಿಕೊಂಡಿದ್ದೇನೆ ಎಂದು ಹೇಳಿರುವುದಾಗಿ ತಿಳಿದು ಬಂದಿದೆ.

ಈತನ ಹೇಯ ಕೃತ್ಯದ ಬಗ್ಗೆ ಮಸೀದಿಯ ಮಹಲ್ಲು ಸಮಿತಿ ದೂರು ನೀಡಿತ್ತು.ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.