ಮಡಂತ್ಯಾರು: 48 ಲ. ರೂ. ಕಾಮಗಾರಿಗೆ ಶಿಲಾನ್ಯಾಸ

ಮಡಂತ್ಯಾರು: ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದಿಂದ ಮಂಜೂರಾದ 48 ಲ.ರೂ. ಅನುದಾನದ ವಿವಿಧ ಕಾಮಗಾರಿಗಳ ಶಿಲಾನ್ಯಾಸ ಕಾರ್ಯಕ್ರಮ ಡಿ. 21ರಂದು ಮಡಂತ್ಯಾರು ಗ್ರಾ. ಪಂ. ಆವರಣದಲ್ಲಿ ನಡೆಯಿತು. ಮಂಗಳೂರು ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ನಿರ್ದೇಶಕ ರಾಜಶೇಖರ ಶೆಟ್ಟಿ ಕಾರ್ಯಕ್ರಮ ಉದ್ಘಾಟಿಸಿದರು. ಗ್ರಾ.ಪಂ. ಅಧ್ಯಕ್ಷ ಗೋಪಾಲಕೃಷ್ಣ. ಅಧ್ಯಕ್ಷತೆ ವಹಿಸಿದ್ದರು.

ರಾಜಶೇಖರ ಶೆಟ್ಟಿ ಮಾತನಾಡಿ, ಪೆದ್ಯಾರು ಬಾಬು ಆಚಾರ್ಯ ಮನೆ ಬಳಿಯಿಂದ ಪಾರೆಂಕಿ ದೇವಸ್ಥಾನದ ತನಕ ರಸ್ತೆ ಕಾಂಕ್ರೀಟ್‌ಗೆ 20 ಲ. ರೂ., ಗ್ರಾ.ಪಂ. ಕಚೇರಿ ಮೇಲ್ಭಾಗದಲ್ಲಿ ಬಾಪೂಜಿ ಸೇವಾ ಭವನ ನಿರ್ಮಾಣಕ್ಕೆ 13 ಲ.ರೂ., ಬಸವನಗುಡಿ ಕಾಲನಿಯ ರಸ್ತೆ ಕಾಂಕ್ರೀಟ್‌ಗೆ 5 ಲ.ರೂ., ಪುಂಜಾಲಕಟ್ಟೆ ಪ್ರಥಮದರ್ಜೆ ಕಾಲೇಜು ಮುಂಭಾಗದಲ್ಲಿ ಆವರಣ ಗೋಡೆ ನಿರ್ಮಾಣಕ್ಕೆ 10 ಲ.ರೂ. ಅನುದಾನ ಸೇರಿ ಒಟ್ಟು 48 ಲ.ರೂ. ಕಾಮಗಾರಿ ನಡೆಯಲಿದೆ ಎಂದರು.

ಜಿ.ಪಂ. ಸದಸ್ಯೆ ಮಮತಾ ಶೆಟ್ಟಿ, ತಾ.ಪಂ. ಸದಸ್ಯೆ ವಸಂತಿ ಲಕ್ಷ್ಮಣ್‌, ಮಡಂತ್ಯಾರು ಗ್ರಾ.ಪಂ. ಉಪಾಧ್ಯಕ್ಷೆ ಜಯಂತಿ ಪಿ., ಅಭಿವೃದ್ಧಿ ಅಧಿಕಾರಿ ನಾಗೇಶ್‌ ಎಂ., ಸದಸ್ಯರಾದ ಕಿಶೋರ್‌ ಶೆಟ್ಟಿ, ದಯಾನಂದ, ಕಾಂತಪ್ಪ ಗೌಡ, ಹೇಮಾವತಿ, ರಮೇಶ್‌ ಮೊದಲಾದವರು ಉಪಸ್ಥಿತರಿದ್ದರು. ಕಾಂತಪ್ಪಗೌಡ ಸ್ವಾಗತಿಸಿದರು. ರಮೇಶ್‌ ಮೂಲ್ಯ ವಂದಿಸಿದರು.

ಅನುದಾನಕ್ಕೆ ಪ್ರಸ್ತಾವನೆ
ಮಡಂತ್ಯಾರು- ಪಾರೆಂಕಿ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದು ಈ ರಸ್ತೆಯ ಕಾಮಗಾರಿ ಬಗ್ಗೆ ಮುಖ್ಯಮಂತ್ರಿಗಳಿಗೆ ಪ್ರಸ್ತಾವನೆ ಸಲ್ಲಿಸಲಾಗಿದೆ. ಇದು ಬಹುತೇಕ ಮಂಜೂರುಗೊಳ್ಳುವ ಹಂತದಲ್ಲಿದ್ದು ಸುಮಾರು 4.3 ಕೋ.ರೂ. ಅನುದಾನ ಸಿಗುವ ಭರವಸೆ ಇದೆ.
–  ರಾಜಶೇಖರ ಶೆಟ್ಟಿ ,
   ನಿರ್ದೇಶಕರು,ಕರಾವಳಿ ಅಭಿವೃದ್ಧಿ ಪ್ರಾಧಿಕಾರ, ಮಂಗಳೂರು.