ಗೂಗಲ್‌-ಜಿಯೋ ಸಹಯೋಗದಲ್ಲಿ ಕಡಿಮೆ ದರದ ಮೊಬೈಲ್‌ ಪೋನ್‌

ವಾಷಿಂಗ್ಟನ್‌: ಗೂಗಲ್‌ ಕಂಪನಿಯು, ಭಾರತದ ರಿಲಯನ್ಸ್‌ ಜಿಯೋ ಸಂಸ್ಥೆಯ ಜೊತೆಗೆ ಕೈ ಜೋಡಿಸಿ, ಕಡಿಮೆ ದರದ ಮೊಬೈಲ್‌ ಫೋನ್‌ಗಳನ್ನು ಬಿಡುಗಡೆ ಮಾಡಲು ಸಿದ್ಧತೆ ನಡೆಸಿದೆ.

ಈ ಕುರಿತ ಕೆಲಸ ಕಾರ್ಯಗಳು ಈಗಾಗಲೇ ಶುರುವಾಗಿವೆ ಎಂದು ಗೂಗಲ್‌ ಸಂಸ್ಥೆಯ ಮುಖ್ಯಸ್ಥ ಸುಂದರ್ ಪಿಚೈ ತಿಳಿಸಿದ್ದಾರೆ. ಏಷ್ಯಾ ಪೆಸಿಫಿಕ್‌ನಲ್ಲಿ ಸೇವೆ ಸಲ್ಲಿಸುತ್ತಿರುವ ಆಯ್ದ ಪತ್ರಕರ್ತರ ಜೊತೆಗೆ ವಿಡಿಯೋ ಸಂದರ್ಶನ ನೀಡಿದ ಅವರು, ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.

ಕಳೆದ ವರ್ಷ, ಗೂಗಲ್‌ ಸಂಸ್ಥೆ, ರಿಲಯನ್ಸ್‌ ಜಿಯೋ ಸಂಸ್ಥೆಯ ಶೇ. 7.7ರಷ್ಟು ಷೇರುಗಳನ್ನು 33,737 ಕೋಟಿ ರೂ.ಗಳಿಗೆ ಕೊಂಡುಕೊಂಡಿತ್ತು. ಇದಲ್ಲದೆ, ಜಿಯೋ ಸಂಸ್ಥೆಯೊಡನೆ ಒಗ್ಗೂಡಿ, ಆರಂಭಿಕ ಹಂತದ ಆ್ಯಂಡ್ರಾಯ್ಡ ಮೊಬೈಲ್‌ ಫೋನ್‌ಗಳನ್ನು ತಯಾರಿಸುವ ಬಗ್ಗೆಯೂ ಒಪ್ಪಂದ ಮಾಡಿಕೊಂಡಿತ್ತು.

ಇದನ್ನೂ ಓದಿ :ಕೋವಿಡ್ ಕೇರ್ ಸೆಂಟರ್ ತೆರೆದ ನಾಲ್ಕೇ ದಿನಕ್ಕೆ ವೈದ್ಯರ ವರ್ಗಾವಣೆ : ಸಾರ್ವಜನಿಕರ ಆಕ್ರೋಶ