ಸಿಂಗಾಪುರ ವೇಟ್‌ಲಿಫ್ಟಿಂಗ್‌: ವಿಕಾಸ್‌ ಠಾಕೂರ್‌ಗೆ ಚಿನ್ನ, ವೆಂಕಟ್‌ಗೆ ಕಂಚು

ಸಿಂಗಾಪುರ: ಭಾರತದ ವೇಟ್‌ಲಿಫ್ಟರ್‌ಗಳಾದ ವಿಕಾಸ್‌ ಠಾಕೂರ್‌ ಹಾಗೂ ವೆಂಕಟ್‌ ರಾಹುಲ್‌ “ಸಿಂಗಾಪುರ ಅಂತಾರಾಷ್ಟ್ರೀಯ ವೇಟ್‌ಲಿಫ್ಟಿಂಗ್‌’ ಕೂಟದಲ್ಲಿ ಕ್ರಮವಾಗಿ ಚಿನ್ನ ಮತ್ತು ಕಂಚಿನ ಪದಕ ಜಯಿಸಿ ಬರ್ಮಿಂಗ್‌ಹ್ಯಾಮ್‌ ಕಾಮನ್ವೆಲ್ತ್‌ ಗೇಮ್ಸ್‌ಗೆ ಅರ್ಹತೆ ಪಡೆದರು.

ರವಿವಾರ ನಡೆದ ಪುರುಷರ 96 ಕೆಜಿ ವಿಭಾಗದ ಸ್ಪರ್ಧೆಯಲ್ಲಿ ಎರಡು ಬಾರಿಯ ಕಾಮನ್ವೆಲ್ತ್‌ ಪದಕ ವಿಜೇತ ವಿಕಾಸ್‌ ಒಟ್ಟು 339 ಕೆಜಿ (151 ಕೆಜಿ+188 ಕೆಜಿ) ಭಾರವೆತ್ತಿ ಬಂಗಾರ ಗೆದ್ದರು.

ಇದೇ ವಿಭಾಗದಲ್ಲಿ ಸ್ಪರ್ಧಿಸಿದ ವೆಂಕಟ್‌ ರಾಹುಲ್‌ ಒಟ್ಟು 328 ಕೆಜಿ ಭಾರ ಎತ್ತಿ ಕಂಚಿನ ಪದಕಕ್ಕೆ ತೃಪ್ತಿಪಟ್ಟರು.

ವೆಂಕಟ್‌ 85 ಕೆಜಿ ವಿಭಾಗದಲ್ಲಿ ಹಾಲಿ ಕಾಮನ್ವೆಲ್ತ್‌ ಗೇಮ್ಸ್‌ ಚಾಂಪಿಯನ್‌ ಆಗಿದ್ದಾರೆ.

ಇದನ್ನೂ ಓದಿ:ಎಫ್ಐಎಚ್‌ ಪ್ರೊ ಲೀಗ್‌ ಹಾಕಿ: ಸ್ಪೇನ್‌ ವಿರುದ್ಧ ಅಮೋಘ ಜಯ