Advertisement
ಲಿವಿಂಗ್‌ಸ್ಟೋನ್‌ ಅವರ ಇಂಥ ಪ್ರಚಂಡ ಹೊಡೆಗಳ ತಾಜಾ ನಿದರ್ಶನವೊಂದು ಮಂಗಳವಾರ ರಾತ್ರಿ ಗುಜರಾತ್‌ ಟೈಟಾನ್ಸ್‌ ಎದುರಿನ ಪಂದ್ಯದಲ್ಲಿ ಕಂಡುಬಂತು.
Related Articles
ಈ ಪಂದ್ಯದ ಬಳಿಕ ಲಿಯಮ್‌ ಲಿವಿಂಗ್‌ಸ್ಟೋನ್‌ ತಮ್ಮದೇ ತಂಡದ ವೇಗಿ ಕಾಗಿಸೊ ರಬಾಡ ಅವರ ಕಾಲೆಳೆದ ತಮಾಷೆಯ ವಿದ್ಯಮಾನವೊಂದು ಸಂಭವಿಸಿತು. ಇವರಿಬ್ಬರ ನಡುವಿನ ನೇರಾನೇರ ಮಾತುಕತೆಯ ವೇಳೆ ಈ ತಮಾಷೆ ಕಂಡುಬಂತು. ಲಿವಿಂಗ್‌ಸ್ಟೋನ್‌ ಅವರ ದೈತ್ಯ ಸಿಕ್ಸರ್‌ ಕುರಿತಾಗಿ ರಬಾಡ ಪ್ರಶ್ನೆಯೊಂದನ್ನೆಸೆದರು. ಆಗ ನಗುತ್ತಲೇ ಪ್ರತಿಕ್ರಿಯಿಸಿದ ಲಿವಿಂಗ್‌ಸ್ಟೋನ್‌, “ಶಾರ್ಜಾದಲ್ಲಿ ನಿಮ್ಮ ಎಸೆತವೊಂದನ್ನು ಇದೇ ರೀತಿ ಸಿಕ್ಸರ್‌ಗೆ
ಬಡಿದಟ್ಟಿದ್ದೆ, ನೆನಪಿದೆಯಾ…?’ ಎಂದು ಕೆಣಕಿದರು. ರಬಾಡ ಅವರ ನಗುವೇ ಇದಕ್ಕೆ ಉತ್ತರವಾಗಿತ್ತು.
Advertisement
ಅದು 2021ರ ಐಸಿಸಿ ಟಿ20 ವಿಶ್ವಕಪ್ ಕೂಟದ ಇಂಗ್ಲೆಂಡ್‌-ದಕ್ಷಿಣ ಆಫ್ರಿಕಾ ನಡುವಿನ ಪಂದ್ಯವಾಗಿತ್ತು. ಇದರಲ್ಲಿ ರಬಾಡ ಅವರ ವೇಗದ ಎಸೆತವೊಂದಕ್ಕೆ ಲಿವಿಂಗ್‌ಸ್ಟೋನ್‌ ಇದೇ ರೀತಿ ಸಿಕ್ಸರ್‌ ಎತ್ತಿದ್ದರು!
ಶಮಿ ಓವರ್‌ನಲ್ಲಿ 28 ರನ್‌!ಪಂಜಾಬ್‌ ಜಯಕ್ಕೆ ಕೊನೆಯ 5 ಓವರ್‌ಗಳಲ್ಲಿ 27 ರನ್‌ ಬಂದರೆ ಸಾಕಿತ್ತು. ಇನ್ನೂ 8 ವಿಕೆಟ್‌ ಕೈಲಿತ್ತು. ಹೀಗಾಗಿ ಗೆಲುವಿನ ಬಗ್ಗೆ ಯಾವುದೇ ಅನುಮಾನ ಇರಲಿಲ್ಲ. ಆದರೆ ಲಿವಿಂಗ್‌ಸ್ಟೋನ್‌ ಅಷ್ಟೂ ರನ್ನನ್ನು ಶಮಿ ಅವರ ಒಂದೇ ಓವರ್‌ನಲ್ಲಿ ಬಾರಿಸಿ ಭಾರೀ ಸಂಚಲನ ಮೂಡಿಸಿದರು. ಸತತ 3 ಸಿಕ್ಸರ್‌, ಅವಳಿ ಬೌಂಡರಿ, ಅವಳಿ ರನ್‌ ಮೂಲಕ ಇಂಗ್ಲೆಂಡ್‌ ದೈತ್ಯ ಕ್ರಿಕೆಟಿಗ ಗುಜರಾತ್‌ಗೆ ಬಲವಾದ ಹೊಡೆತವಿಕ್ಕಿದರು.ಲಿವಿಂಗ್‌ಸ್ಟೋನ್‌ ಕೇವಲ 10 ಎಸೆತಗಳಿಂದ 30 ರನ್‌ ಬಾರಿಸಿ ಅಜೇಯರಾಗಿ ಉಳಿದರು.