ಕೇಂದ್ರ, ರಾಜ್ಯ ಸರ್ಕಾರ ದ್ವಂದ್ವ ನೀತಿ ಕೈ ಬಿಡಲಿ

ಮಾಗಡಿ: ಹೊರನಾಡಿನ ಕನ್ನಡಿಗರಿಗೆ ತೊಂದರೆಯಾದರೆ ಕೇಂದ್ರ ಮತ್ತು ರಾಜ್ಯ ಸರ್ಕಾರವೇ ನೇರ ಹೊಣೆ ಹೊರಬೇಕು ಎಂದು ಸಂಸದ ಡಿ.ಕೆ.ಸುರೇಶ್‌ ಸರ್ಕಾರಕ್ಕೆ ಎಚ್ಚರಿಕೆ ನೀಡಿದರು.

ತಾಲೂಕಿನ ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಚಿಗಳೂರು ಗಂಗಾಧರ್‌ ಮನೆಯಂಗಳದಲ್ಲಿ ಮಾತನಾಡಿ, ಹೊರನಾಡಿನ ಕನ್ನಡಿಗರನ್ನು ನಾಡಿಗೆ ಕರೆಸಿಕೊಳ್ಳುತ್ತೇವೆ ಎಂದು ಹೇಳಿದ ಸರ್ಕಾರಗಳು ಕನ್ನಡಿಗರಿದ್ದ ರೈಲು ತಡೆದಿದ್ದಾರೆ. ಸರ್ಕಾರ ಧೋರಣೆ ಅರ್ಥವಾಗುತ್ತಿಲ್ಲ. ಈ ದ್ವಂದ್ವ ನೀತಿ ಕೂಡಲೇ ಬಿಡಬೇಕು ಎಂದರು. ಮೋದಿ, ಪ್ರಧಾನಿಯಾಗಿ ಅಧಿಕಾರ ಹಿಡಿದಂದಿ ನಿಂದಲೂ ಜಾಗತಿಕ ಮಾರುಕಟ್ಟೆ ಯಲ್ಲಿ ಬದಲಾವಣೆ ಕಾಣಲೇ ಇಲ್ಲ. ಪೆಟ್ರೋಲಿಯಂ ಉತ್ಪನ್ನ 60 ಡಾಲರ್‌ಗೆ ಏರಿಕೆಯಾಗ ಲಿಲ್ಲ. ಕೇವಲ 16 ರಿಂದ 18 ಡಾಲರ್‌ಗೆ ಇಳಿದಿದ್ದು, ಪ್ರತಿದಿನ 70 ಕೋಟಿ ಜನ ಸಾಮಾನ್ಯರಿಗೆ ಅನ್ಯಾಯವಾಗಿದೆ. ಜನರ ಕಣ್ಣಿಗೆ ಮಣ್ಣೆರೆಚುವ ಕೆಲಸ ಮಾಡುತ್ತಿರುವ ಬಿಜೆಪಿ ಸರ್ಕಾರಗಳು ಬಡವರ ಜೇಬಿಗೆ ಕನ್ನ ಹಾಕಿದೆ. ಮಾಧ್ಯಮಗಳು ಕೂಡ ಬಿಜೆಪಿ ಸರ್ಕಾರದ ದೌರ್ಬಲ್ಯಗಳನ್ನು ಎತ್ತಿ ತೋರಿಸುತ್ತಿಲ್ಲ ಎಂದು ಆರೋಪಿಸಿದರು.

ಎಂಎಲ್‌ಸಿ ಎಚ್‌.ಎಂ.ರೇವಣ್ಣ ಮಾತನಾಡಿದರು. ಜಿಪಂ ಸದಸ್ಯೆ ದಿವ್ಯಾ ಗಂಗಾಧರ್‌, ಬ್ಲಾಕ್‌ ಕಾಂಗ್ರೆಸ್‌ ಅಧ್ಯಕ್ಷ ಚಿಗಳೂರು ಗಂಗಾಧರ್‌, ಜಿಲ್ಲಾ ಕಾರ್ಯದರ್ಶಿ ಬಿ.ಎಸ್‌.ಕುಮಾರ್‌, ಕೃಷಿಕ ಸಮಾಜದ ಅಧ್ಯಕ್ಷ ಕೆ.ಎಚ್‌.ಕೃಷ್ಣ  ಮೂರ್ತಿ, ಚಿಕ್ಕಮುದಿಗೆರೆ ಮಾಜಿ ಅಧ್ಯಕ್ಷ ಚಂದ್ರಣ್ಣ, ರವೀಶ್‌, ಕೆಂಚೇಗೌಡ, ಜ್ಯೋತಿ, ನಾಗರಾಜು, ಆರೀಫ್, ಅಬೀಬ್‌ ಇತರರು ಇದ್ದರು.