ವೇದದ ಮಹತ್ವ ಎಲ್ಲರಿಗೂ ತಿಳಿಸಿ

ಕಲಬುರಗಿ: ವೇದಗಳ ಸಂರಕ್ಷಣೆಯಾಗಬೇಕು ಹಾಗೂ ವೇದದ ಮಹತ್ವ ಎಲ್ಲರಿಗೂ ತಿಳಿಸಬೇಕೆಂಬ ಉದ್ದೇಶ ದಿಂದ ವೇದಪಾರಾಯಣ ಅಭಿ ಯಾನ ಆರಂಭವಾಗಿದ್ದು, ವೇದ ಪಾರಾಯಣ ಗಳನ್ನು ಹೆಚ್ಚೆಚ್ಚು ಮಾಡಿಸಬೇಕೆಂದು ಪಂ| ಮಧುಸೂಧನ ಶಾಸ್ತ್ರೀ ಹಂಪಿಹೋಳಿ ಹೇಳಿದರು.

ನಗರದ ಸಾಯಿ ಮಂದಿರದಲ್ಲಿ ರವಿವಾರ ಬೆಳಗ್ಗೆ ನಡೆದ ವೇದಪಾರಾಯಣ ಅಭಿಯಾನದ 7 ನೇ  ವಾರ್ಷಿಕ ಸಮಾರೋಪ ಸಮಾರಂಭ ಉದ್ಘಾಟಿಸಿ ಅವರು ಮಾತನಾಡಿದರು. 

ಕೃಷ್ಣಾದ ಶೇಷಭಟ್ಟರು, ಪುಣೆ, ಮುಂಬೈ, ಬೀದರ, ವಿಜಯಪುರ, ಕಲಬುರಗಿ, ಬೆಳಗಾವಿ ನಗರದ ವೇದ ವಿದ್ವಾಂಸರು ಭಾಗವಹಿಸಿದ್ದರು. ಸುಮಾರು 110 ಕ್ಕೂ ಹೆಚ್ಚು ವೇದ ಪಾರಾಯಣ ನಡೆಯಿತು.  ಉಪನ್ಯಾಸಕರಾಗಿ ಡಾ| ಯೋಗೇಶ ಜೋಶಿ ವೇದದ ಉತ್ಪತ್ತಿ, ಬೆಳವಣಿಗೆ ಹಾಗೂ ಮಹತ್ವ ತಿಳಿಸಿದರು. 

ದಾನಿಗಳಿಗೆ ವಸ್ತ್ರ ಮಂತ್ರಾಕ್ಷತೆ, ಫಲಪುಷ್ಪ ನೀಡಿ ಆಶೀರ್ವದಿಸಲಾಯಿತು ವೇದ ವಿದ್ವಾಂಸರಿಗೆ ದಕ್ಷಿಣೆ ಹಾಗೂ ವಸ್ತ್ರ ನೀಡಿ ಸತ್ಕರಿಸಲಾಯಿತು. ಮಹಾ ಪ್ರಸಾದದೊಂದಿಗೆ ಕಾರ್ಯಕ್ರಮ ಮುಕ್ತಾಯವಾಯಿತು. ಲೋಕೇಶಭಟ್ಟ ನಿರೂಪಿಸಿದರು.