ಲೇಡಿಗೋಶನ್‌: ಹೊಸ ಕಟ್ಟಡ 3 ತಿಂಗಳಲ್ಲಿ ಪೂರ್ಣ

ಮಂಗಳೂರು : ಲೇಡಿಗೋಶನ್‌ ಆಸ್ಪತ್ರೆ ಆವರಣದಲ್ಲಿ ಒಎನ್‌ ಜಿಸಿ- ಎಂಆರ್‌ಪಿಎಲ್‌ ಮತ್ತು ರಾಜ್ಯ ಸರಕಾರದ ನೆರವಿನಲ್ಲಿ ನಿರ್ಮಾಣ ಹಂತದಲ್ಲಿರುವ ನೂತನ ಕಟ್ಟಡದ ಕಾಮಗಾರಿ ಪ್ರಗತಿಯಲ್ಲಿದ್ದು, ಇದೇ 2017 ಮಾರ್ಚ್‌ 23ರಂದು ಉದ್ಘಾಟನೆಗೊಂಡು ಮಾರ್ಚ್‌ ಅಂತ್ಯದ ವೇಳೆಗೆ ಆಸ್ಪತ್ರೆ ಹೊಸ ಕಟ್ಟಡದಲ್ಲಿ ಕಾರ್ಯ ನಿರ್ವಹಿಸಲಿದೆ ಎಂದು ಸಂಸದ ಎಂ. ವೀರಪ್ಪ ಮೊಲಿ ತಿಳಿಸಿದರು. 

ಅವರು ಬುಧವಾರ ಆಸ್ಪತ್ರೆಗೆ ತೆರಳಿ ನೂತನ ಕಟ್ಟಡದ ಕಾಮಗಾರಿ ಪರಿಶೀಲಿಸಿದರು. ಆಸ್ಪತ್ರೆ ಮೆಡಿಕಲ್‌ ಸೂಪರಿಂಟೆಂ ಡೆಂಟ್‌ ಡಾ| ಸವಿತಾ, ಎಂಆರ್‌ಪಿಎಲ್‌ನ ಎಚ್‌ಆರ್‌ ವಿಭಾಗದ ಹರೀಶ್‌ ಬಾಳಿಗಾ, ದಕ್ಷಿಣ ಕನ್ನಡ ನಿರ್ಮಿತಿ ಕೇಂದ್ರದ ಎಂಜಿನಿಯರ್‌ ರಾಜೇಂದ್ರ ಕಲಾºವಿ, ಕರ್ನಾಟಕ ಆರೋಗ್ಯ ವ್ಯವಸ್ಥೆ ಮತ್ತು ಗ್ರಾಮೀಣ ಅಭಿವೃದ್ಧಿ ವಿಭಾಗದ ಎಂಜಿನಿಯರ್‌ ಗೋಪಾಲಕೃಷ್ಣ , ತೇಜೋಮಯ, ಕಾರ್ಪೊರೇಟರ್‌ಗಳಾದ ಅಶೋಕ್‌ ಕುಮಾರ್‌ ಡಿ.ಕೆ. ಭಾಸ್ಕರ ಕೆ., ಕೆಪಿಸಿಸಿ ಕಾರ್ಮಿಕ ವಿಭಾಗದ ಹಯಾತುಲ್‌ ಕಾಮಿಲ್‌ ಉಪಸ್ಥಿತರಿದ್ದರು.

ವೀರಪ್ಪ ಮೊಲಿ ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಖಾತೆ ಸಚಿವರಾಗಿದ್ದಾಗ 2013 ಮಾರ್ಚ್‌ ತಿಂಗಳಲ್ಲಿ ಎಂಆರ್‌ಪಿಎಲ್‌ ಪ್ರಾಯೋಜನೆಯಲ್ಲಿ ಲೇಡಿಗೋಶನ್‌ ಆಸ್ಪತ್ರೆಗೆ ಹೊಸ ಕಟ್ಟಡ ನಿರ್ಮಿಸುವ ಬಗ್ಗೆ ಒಪ್ಪಂದ ಏರ್ಪಟ್ಟು
ಕಾಮಗಾರಿಗೆ ಚಾಲನೆ ನೀಡಲಾಗಿತ್ತು. 

ಲೇಡಿಗೋಶನ್‌ ಆಸ್ಪತ್ರೆ ಕಟ್ಟಡಕ್ಕೆ ಒಎನ್‌ಜಿಸಿ-ಎಂಆರ್‌ಪಿಎಲ್‌ ವತಿಯಿಂದ 21.7 ಕೋಟಿ ರೂ. ಅನುದಾನ ಮಂಜೂರಾಗಿದೆ. 18.43 ಕೋಟಿ ರೂ. ಗಳಿಗೆ ಟೆಂಡರ್‌ ಕರೆಯಲಾಗಿದ್ದು, ಈಗಾಗಲೇ 17 ಕೋಟಿ ರೂ. ಖರ್ಚಾಗಿದೆ. ಉಳಿಕೆ ಹಣದಲ್ಲಿ 5ನೇ ಮಾಳಿಗೆ ನಿರ್ಮಿಸಲಾ ಗುವುದುಎಂದರು. 

ಮುಂದಿನ 3 ತಿಂಗಳಲ್ಲಿ ಕಾಮಗಾರಿ ಪೂರ್ಣಗೊಳ್ಳಲಿದೆ. ಮಾ. 23ರಂದು ಉದ್ಘಾಟನೆ ನೆರವೇರಿಸಲು ರಾಜ್ಯದ ಆರೋಗ್ಯ ಸಚಿವರು ದಿನಾಂಕ ನಿಗದಿ ಪಡಿಸಿದ್ದಾರೆ ಎಂದರು.