ಎಲ್‌ಇಡಿ ಲೈಟ್‌ನಲ್ಲಿ ಲೋಪ: 12 ಸಾವಿರ ರೂ. ಪರಿಹಾರ ನೀಡಲು ಕೋರ್ಟ್‌ ಸೂಚನೆ

ಬೆಂಗಳೂರು: ಎಲ್‌ಇಡಿ ಲೈಟ್‌ಗಳನ್ನು ವಿನಿಮಯಗೊಳಿಸಲು ನಿರಾಕರಿಸಿದ ಕಂಪನಿಯ ವಿರುದ್ಧ ಗ್ರಾಹಕರ ವ್ಯಾಜ್ಯ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಾಗಿದ್ದು, ಬಡ್ಡಿ ಸಹಿತ ಪರಿಹಾರ ನೀಡುವಂತೆ ಆದೇಶ ನೀಡಲಾಗಿದೆ.

ಎಲ್‌ಇಡಿ ಲೈಟ್‌ ಸಂಸ್ಥೆಯು ದೂರುದಾರರು ಪಾವತಿಸಿದ್ದ 7,080 ರೂ. ಹಾಗೂ 1,000 ರೂ. ಬಡ್ಡಿ ಸೇರಿದಂತೆ 8,080 ರೂ. ಹಾಗೂ ಮಾಸಿಕ ಹಿಂಸೆ, ಕೋರ್ಟ್‌ ವ್ಯಾಜ್ಯ ಬಾಬ್ತು ತಲಾ 2,000 ರೂ.ನಂತೆ ಒಟ್ಟು 12,080 ರೂ. ಪಾವತಿಸುವಂತೆ ತೀರ್ಪು ನೀಡಿದೆ.

ಬೆಂಗಳೂರಿನ ನಿವಾಸಿ ಪುರುಷೋತ್ತಮ್‌ ಎಂಬುವರು 2019ರ ಜ.29ರಂದು ಕುಟುಂಬದ ಸಮಾರಂಭಕ್ಕೆ ಬರುವ ಅತಿಥಿಗಳಿಗೆ ಉಡುಗೊರೆ ನೀಡಲು 7,080 ರೂ. ಮೊತ್ತದ ಒಟ್ಟು 300 ಎಲ್‌ಇಡಿ ಲೈಟ್‌ಗಳನ್ನು ಖರೀದಿಸಿದ್ದರು. ಜ.30ರಂದು (ಮರುದಿನ) ಪರಿಶೀಲನೆ ನಡೆಸಿದಾಗ ಶೇ.50ರಷ್ಟು ಲೈಟ್‌ಗಳು ಹಾಳಾಗಿದ್ದವು. ಈ ಬಗ್ಗೆ ಸಂಸ್ಥೆಯನ್ನು ಸಂಪರ್ಕಿಸಿದ್ದು, ಈ ವೇಳೆ ಹಾಳಾದ ಎಲ್‌ಇಡಿ ಲೈಟ್‌ಗಳ ವಿನಿಮಯದ ಬದಲಾಗಿ ಎರಡು ಶೀಟ್‌ ಬ್ಯಾಟರಿ ಶೆಲ್‌ಗ‌ಳನ್ನು ನೀಡಿದ್ದು, ಇದಕ್ಕೆ ಪ್ರತ್ಯೇಕವಾದ ಹಣವನ್ನು ಪಡೆದುಕೊಂಡಿದ್ದರು. ಅನಂತರವೂ ಎಲ್‌ಇಡಿ ಲೈಟ್‌ ಗಳು ಕಾರ್ಯಾಚರಿಸಿಲ್ಲ. ಈ ಬಗ್ಗೆ ಮತ್ತೆ ಕಂಪನಿಯನ್ನು ಸಂಪರ್ಕಿಸಿದ್ದರೆ ಯಾವುದೇ ಪ್ರತಿಕ್ರಿಯೆ ಲಭ್ಯವಾಗಿಲ್ಲ. ಸಂಸ್ಥೆಯವರ ವರ್ತನೆ ಯಿಂದ ಬೇಸರಗೊಂಡ ದೂರುದಾರರು ಬೆಂಗಳೂರು ಗ್ರಾಮಾಂತರ ಹೆಚ್ಚುವರಿ 2ನೇ ನ್ಯಾಯಾಲಯದಲ್ಲಿ ದೂರ ದಾಖಲಿಸಿದ್ದರು.

ಇದನ್ನೂ ಓದಿ: ಕಂಪನಿ ವಸ್ತು ಖರೀದಿಸಿದ್ರೆ ಉಚಿತ ಪ್ರವಾಸದ ಆಫರ್‌: ಕೋರ್ಟ್‌ ಮೆಟ್ಟಿಲೇರಿದ ಮಹಿಳೆ