ಕಲಿಕೆ ವೇಳೆ ಗಳಿಕೆಗೂ ಗಮನಕೊಡಿ –ವಿಲಾಸ್‌ ನಾಯಕ್‌

ಉಡುಪಿ: ಕಾನೂನು ವಿದ್ಯಾರ್ಥಿಗಳು ವಿದ್ಯಾಭ್ಯಾಸ ಮಾಡುವಾಗಲೇ ಕಾನೂನು ಕ್ಷೇತ್ರದಲ್ಲಿ  ಕಾರ್ಯನಿರ್ವಹಿಸಿದಲ್ಲಿ ಉತ್ತಮ ಗಳಿಕೆಗೂ ದಾರಿಯಾಗುವುದು ಎಂದು ಉದ್ಯಮಿ, ವೈಕುಂಠ ಬಾಳಿಗಾ ಕಾನೂನು ಕಾಲೇಜಿನ ಹಳೆ ವಿದ್ಯಾರ್ಥಿ ವಿಲಾಸ್‌ ನಾಯಕ್‌ ಹೇಳಿದರು.

ಅವರು ಕುಂಜಿಬೆಟ್ಟಿನ ವೈಕುಂಠ ಬಾಳಿಗಾ ಕಾನೂನು ಕಾಲೇಜಿನಲ್ಲಿ ನಡೆದ ಕಾರ್ಯಕ್ರಮದಲ್ಲಿ  ಮಾತನಾಡಿದರು. www.makemynotice.com ಎಂಬ ಆನ್‌ಲೈನ್‌ ಕಾನೂನು ವೇದಿಕೆಯ ನಿರ್ಮಾಣಕ್ಕಾಗಿ ತಾವು ಶ್ರಮಿಸುತ್ತಿದ್ದು, ವಿದ್ಯಾರ್ಥಿಗಳು ಕಾನೂನು ನೊಟೀಸುಗಳನ್ನು ತಯಾರಿಸಿ ಈ ವೇದಿಕೆಯ ಮೂಲಕ ವಕೀಲರಿಗೆ ಕಳುಹಿಸಿ ಉತ್ತಮ ಆದಾಯ ಗಳಿಸಬಹುದು ಎಂದರು.

ಪ್ರಾಂಶುಪಾಲ ಪ್ರೊ| ಪ್ರಕಾಶ್‌ ಕಣಿವೆ ಸ್ವಾಗತಿಸಿದರು. ವಿದ್ಯಾರ್ಥಿನಿ ಗೀತಾ ಶೆಣೈ  ವಂದಿಸಿದರು. ನಿವೇದಿತಾ ಬಾಳಿಗಾ ಕಾರ್ಯಕ್ರಮ ನಿರ್ವಹಿಸಿದರು.