ಲಂಕಾ ಪ್ರೀಮಿಯರ್‌ ಲೀಗ್‌ನಲ್ಲಿ ಶಾಹಿದ್‌ ಅಫ್ರಿದಿ, ಸರ್ಫರಾಜ್‌

ಕೊಲಂಬೊ: ಪಾಕಿಸ್ಥಾನ ಕ್ರಿಕೆಟ್‌ ತಂಡದ ಮಾಜಿ ನಾಯಕರಾದ ಶಾಹಿದ್‌ ಅಫ್ರಿದಿ ಮತ್ತು ಸರ್ಫರಾಜ್‌ ಅಹ್ಮದ್‌ ಮುಂಬರುವ ಶ್ರೀಲಂಕಾ ಪ್ರೀಮಿಯರ್‌ ಲೀಗ್‌ನಲ್ಲಿ ಆಡಲಿದ್ದಾರೆ. ಇಬ್ಬರೂ ಗಾಲೆ ಗ್ಲೆಡಿಯೇಟರ್ ತಂಡವನ್ನು ಪ್ರತಿನಿಧಿಸಲಿದ್ದಾರೆ.

ಈ ತಂಡವನ್ನು ಪಾಕಿಸ್ಥಾನ್‌ ಸೂಪರ್‌ ಲೀಗ್‌ನ ಕ್ವೆಟ್ಟಾ ಗ್ಲೆàಡಿಯೇಟರ್ ಫ್ರಾಂಚೈಸಿ ಖರೀದಿಸಿದೆ. ಇದರ ಮಾಲಕರಾದ ನದೀಂ ಒಮರ್‌ ಪಾಕ್‌ ಕ್ರಿಕೆಟಿಗರ ಸೇರ್ಪಡೆಯನ್ನು ತಿಳಿಸಿದರು.

ಶಾಹಿದ್‌ ಅಫ್ರಿದಿ ಗಾಲೆ ಗ್ಲೆಡಿಯೇಟರ್ ತಂಡದ “ಐಕಾನ್‌ ಪ್ಲೇಯರ್‌’ ಆಗಿ ಆಯ್ಕೆಯಾಗಿದ್ದಾರೆ. ಇದಕ್ಕಾಗಿ ಅವರು ನದೀಂ ಒಮರ್‌ಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.  ಚೊಚ್ಚಲ ಶ್ರೀಲಂಕಾ ಪ್ರೀಮಿಯರ್‌ ಲೀಗ್‌ ನವೆಂಬರ್‌ 14ರಿಂದ ಆರಂಭವಾಗಲಿದೆ.