ರಸ್ತೆ ಕಾಮಗಾರಿಗೆ ಶಾಸಕರಿಂದ ಭೂಮಿಪೂಜೆ

ರಾಮದುರ್ಗ: ರೈತರ ಜಮೀನುಗಳ ರಸ್ತೆ ಸೇರಿದಂತೆ ಎಲ್ಲ ರಸ್ತೆಗಳ ಅಭಿವೃದ್ಧಿಗೆ ಸರಕಾರ ಆದ್ಯತೆ ನೀಡಿದ್ದು, ಗುತ್ತಿಗೆದಾರರು ಗುಣ ಮಟ್ಟದ ಕಾಮಗಾರಿ ಮಾಡಬೇಕು ಎಂದು ಶಾಸಕ ಮಹಾದೇವಪ್ಪ ಯಾದವಾಡ ಹೇಳಿದರು.

ತಾಲೂಕಿನ ಹುಲಕುಂದದಲ್ಲಿ ಬುಧವಾರ ರೂ. 35 ಲಕ್ಷ ವೆಚ್ಚದ ಹುಲಕುಂದ- ಮೆಳ್ಳಿಕೇರಿ ರಸ್ತೆ ಸುಧಾರಣೆ ಕಾಮಗಾರಿಗೆ ಭೂಮಿಪೂಜೆ ನೆರವೇರಿಸಿ ಅವರು ಮಾತನಾಡಿದರು. ಗ್ರಾಮೀಣ ರಸ್ತೆಗಳು ಸುಧಾರಣೆಗೊಂಡರೆ ರೈತರಿಗೆ ತಮ್ಮ ಜಮೀನುಗಳಿಂದ ಆಹಾರ ಧಾನ್ಯ ಸಾಗಿಸಲು ಅನುಕೂಲವಾಗಲಿದೆ ಎಂದು ಹೇಳಿದರು.

ಜಿ.ಪಂ ಸದಸ್ಯ ರಮೇಶ ದೇಶಪಾಂಡೆ, ತಾ.ಪಂ ಸದಸ್ಯ ಹನಮಂತ ವಗ್ಗನ್ನವರ, ಜಿಪಂ ಎಇಇ ಗದಿಗೆಪ್ಪ ಕುರ್ತಕೋಟಿ, ಇಂಜನೀಯರ ಬಿ.ಎಸ್‌. ಕರ್ಕಿ, ಪಿಎಲ್‌ಡಿ ಬ್ಯಾಂಕ್‌ ನಿರ್ದೇಶಕರಾದ ಶಾಂತಯ್ಯ ಅರವಟಗಿ, ಮಹೇಶ ಹೊಸೂರ, ವೆಂಕಟೇಶಗೌಡ ಪಾಟೀಲ, ಗ್ರಾಮದ ಮುಖಂಡರಾದ ಎಫ್‌.ಆರ್‌. ನಾಡಗೌಡ್ರ, ಬಾಲಪ್ಪಗೌಡ ಪಾಟೀಲ, ಪಿಕೆಪಿಎಸ್‌ ಅಧ್ಯಕ್ಷ ಗೋಲಪ್ಪ ದಾನಶೇಟ್ಟಿ, ಗಣಪತಿ ಮಿರ್ಜಿ, ಸಿದ್ದು ಮೇತ್ರಿ ಮುಂತಾದವರಿದ್ದರು.