ಲಂಬೋದರನಿಗೆ ಕಲರ್‌ಫ‌ುಲ್‌ ಹಾಡು

ವಿಶ್ವೇಶ್ವರ್‌. ಪಿ ಹಾಗೂ ರಾಘವೇಂದ್ರ ಭಟ್‌ ಅವರು ನಿರ್ಮಿಸುತ್ತಿರುವ “ಲಂಬೋದರ’ ಚಿತ್ರಕ್ಕಾಗಿ ಗೌಸ್‌ಫೀರ್‌ ಬರೆದಿರುವ “ಕೇಡಿ ಇವನು. ತುಂಬಾನೆ  ಒಳ್ಳೆ ಕೇಡಿ. ಬಾಡಿ ಇವನು ಊರಲೇ ವೇಸ್ಟುಬಾಡಿ’ ಎಂಬ ಹಾಡಿನ ಚಿತ್ರೀಕರಣ ಕಂಠೀರವ ಸ್ಟುಡಿಯೋದಲ್ಲಿ ನಿರ್ಮಿಸಲಾಗಿದ್ದ ಸೆಟ್‌ನಲ್ಲಿ ನಡೆದಿದೆ.

ನಾಯಕ ಯೋಗೇಶ್‌, ಆಕಾಂಕ್ಷ, ಸಿದ್ದು, ಧರ್ಮಣ್ಣ ಅಭಿನಯಿಸಿದ ಈ ಹಾಡಿಗೆ ಭೂಷಣ್‌ ನೃತ್ಯ ನಿರ್ದೇಶನ ಮಾಡಿದ್ದಾರೆ. ಈ ಹಾಡಿನ  ಚಿತ್ರೀಕರಣದೊಂದಿಗೆ ಚಿತ್ರದ ಚಿತ್ರೀಕರಣ ಮುಕ್ತಾಯವಾಗಿದೆ. ಹಾಸ್ಯಪ್ರಧಾನ ಈ ಚಿತ್ರದಲ್ಲಿ ಯೋಗಿ ಅವರು ಶಾಲಾ ವಿದ್ಯಾರ್ಥಿ ಪಾತ್ರದಲ್ಲೂ ಕಾಣಿಸಿಕೊಂಡಿದ್ದಾರೆ. 

ಸದ್ಯದಲ್ಲೇ ಚಿತ್ರದ ಪ್ರಥಮಪ್ರತಿ ಸಿದ್ದವಾಗಲಿದ್ದು, ಯೋಗಿ ಅವರ ಅಭಿಮಾನಿಗಳು ಚಿತ್ರ ಬಿಡುಗಡೆಗೆ ಕಾತುರದಿಂದ ಕಾಯುತ್ತಿದ್ದಾರೆ. ಕೃಷ್ಣರಾಜ್‌ ಈ ಚಿತ್ರದ ನಿರ್ದೇಶಕ. ಕಾರ್ತಿಕ್‌ ಶರ್ಮ ಸಂಗೀತ ನಿರ್ದೇಶನ, ಅರವಿಂದ್‌ ಎಸ್‌ ಕಶ್ಯಪ್‌ ಛಾಯಾಗ್ರಹಣ, ವಿಕ್ರಂ ಮೋರ್‌ ಸಾಹಸ ನಿರ್ದೇಶನ ಹಾಗೂ ಹರೀಶ್‌ ಗಿರಿಗೌಡ ಸಂಕಲನವಿದೆ.