ಗೋವಾದಲ್ಲಿ ಮೀನುಗಳ ಕೊರತೆ! ಕಾರಣವೇನು?

ಪಣಜಿ: ಹವಾಮಾನ ವೈಪರಿತ್ಯದಿಂದಾಗಿ ಮತ್ತು ಗೋವಾದಲ್ಲಿ ಮೀನುಗಾರಿಕಾ ಬೋಟ್‍ಗಳಲ್ಲಿ ಕಾರ್ಮಿಕರ ಕೊರತೆಯಿಂದಾಗಿ ಬೋಟ್‍ಗಳು ಮೀನುಗಾರಿಕೆಗೆ ತೆರಳಲು ಸಾಧ್ಯವಾಗದ ಕಾರಣ ಕೇರಳ, ಕರ್ನಾಟಕ ಮತ್ತು ಮಹಾರಾಷ್ಟ್ರ ರಾಜ್ಯಗಳಿಂದ ಬರುವ ಮೀನುಗಳನ್ನೇ ಅವಲಂಭಿಸಿರುವಂತಾಗಿದೆ.

ಮಡಗಾಂವ ಮಾರುಕಟ್ಟೆಗೆ ಪ್ರತಿದಿನ ಕೇರಳ ಮತ್ತು ಕರ್ನಾಟಕದಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಮೀನುಗಳ ಪೂರೈಕೆಯಾಗುತ್ತಿದೆ. ಗೋವಾದಲ್ಲಿ ಸ್ಥಳೀಯವಾಗಿ ಮೀನುಗಳ ಆವಕದ ಕೊರತೆಯಿಂದಾಗಿ ಹೊರ ರಾಜ್ಯಗಳ ಮೀನುಗಳನ್ನೇ ಗೋವಾ ರಾಜ್ಯದ ಜನತೆ ಅವಲಂಭಿಸುವಂತಾಗಿದೆ.

ರಾಜ್ಯದಲ್ಲಿ ಮೀನುಗಾರಿಕಾ ನಿರ್ಬಂಧ ತೆರವುಗೊಂಡು 15 ದಿನ ಕಳೆದರೂ ಕೂಡ ಕಾರ್ಮಿಕರ ಕೊರತೆಯಿಂದಾಗಿ ರಾಜ್ಯದಲ್ಲಿ ಹೆಚ್ಚಿನ ಮೀನುಗಾರಿಕಾ ಬೋಟ್‍ಗಳು ಮೀನುಗಾರಿಕೆಗೆ ತೆರಳಲು ಸಾಧ್ಯವಾಗುತ್ತಿಲ್ಲ.