ಜಾಲಹಳ್ಳಿ ಬಸ್‌ ನಿಲ್ದಾಣದಲ್ಲಿ ಸೌಲಭ್ಯ ಕೊರತೆ -ಪರದಾಟ

ದೇವದುರ್ಗ: ಅಂದಾಜು 75 ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಾಣಗೊಂಡಿರುವ ಸಮೀಪದ ಜಾಲಹಳ್ಳಿ ಬಸ್‌ ನಿಲ್ದಾಣದಲ್ಲಿ ಕೆಲ ಸೌಲಭ್ಯ ಕೊರತೆ ಹಿನ್ನೆಲೆ ಪ್ರಯಾಣಿಕರ ಪರದಾಟ ನಿಲ್ಲದಂತಾಗಿದೆ.

ಸುತ್ತಲೂ 40ರಿಂದ 50 ಹಳ್ಳಿಗಳ ವ್ಯಾಪ್ತಿಯ ಕೇಂದ್ರ ಸ್ಥಾನವಾಗಿರುವ ಬಸ್‌ ನಿಲ್ದಾಣಕ್ಕೆ ಸೌಲಭ್ಯ ಕೊರತೆ ಕಾಡಲಾರಂಭಿಸಿದೆ. ಎರಡು ಶೌಚಾಲಯಕ್ಕೆ ಬೀಗ ಜಡಿಯಲಾಗಿದ್ದು, ಪಕ್ಕದಲ್ಲಿರುವ ಸಾರ್ವಜನಿಕ ಶೌಚಾಲಯಕ್ಕೆ ಮಹಿಳೆಯರು ತೆರಳಬೇಕಿದೆ. ಇನ್ನು ಪುರುಷರು ಅಲ್ಲಲ್ಲಿ ಆಸರೆ ಪಡೆಯಲಾಗುತ್ತಿದೆ. ಕುಳಿತು ಕೊಳ್ಳಲು ನಾಲ್ಕೇ ಹಾಸನ ವ್ಯವಸ್ಥೆ ಇದ್ದು, ಹೆಚ್ಚಿನ ಸಂಖ್ಯೆಯಲ್ಲಿ ಪ್ರಯಾಣಿಕರು ಬಂದಾಗ ಎಲ್ಲೆಂದರಲ್ಲಿ ನಿಂತುಕೊಳ್ಳಬೇಕು.

ನಿಲ್ದಾಣ ಸುತ್ತಲೂ ಕಾಂಪೌಡ್‌ ನಿರ್ಮಿಸಲಾಗಿದ್ದು, ಸಾರ್ವಜನಿಕ ಮಹಿಳೆಯರ ಶೌಚಾಲಯಕ್ಕೆ ಹೋಗುವ ಕಡೆ ಅರ್ಧಕ್ಕೆ ಬಿಡಲಾಗಿದೆ. ಬಸ್‌ ನಿಲ್ದಾಣ ಸುತ್ತಲೂ ತಡೆಗೋಡೆ ನಿರ್ಮಿಸಲು 27 ಲಕ್ಷ ರೂ. ಅನುದಾನ ಮಂಜೂರಾಗಿದೆ.

ಈಗಾಗಲೇ ಸುತ್ತಲೂ ನಿರ್ಮಿಸಲಾಗಿರುವ ಕಾಂಪೌಡ್‌ ಒಂದು ಭಾಗಕ್ಕೆ ಅರ್ಧಕ್ಕೆ ಬಿಡಲಾಗಿದೆ. ನಡೆದಾಡಲು ರಸ್ತೆ ಬೇಕೆಂದು ತರಕಾರು ತೆಗೆದ ಹಿನ್ನೆಲೆ ಒಂದು ಭಾಗಕ್ಕೆ ಅರ್ಧಕ್ಕೆ ಕಾಂಪೌಡ್‌ ನಿರ್ಮಿಸಲಾಗಿದೆ ಎನ್ನಲಾಗಿದೆ.