Kasaragod ಮಣ್ಣು ಕುಸಿದು ಕಾರ್ಮಿಕ ಸಾವು

ಕಾಸರಗೋಡು: ಉಳಿಯತ್ತಡ್ಕ ಬಿಲಾಲ್‌ನಗರದ ಮನೆಯೊಂದರ ಶೌಚಾಲಯ ನಿರ್ಮಾಣಕ್ಕೆ ಹೊಂಡ ತೋಡುತ್ತಿದ್ದಾಗ ಮಣ್ಣು ಕುಸಿದು ಬಿದ್ದು ಕಾರ್ಮಿಕನೋರ್ವ ಸಾವಿಗೀಡಾದ ಘಟನೆ ಬುಧವಾರ ಸಂಭವಿಸಿದೆ.

ತಮಿಳುನಾಡು ಸೇಲಂ ಕಳ್ಳಕುರಿಶಿ ಮೈನಾಮೂಡ್‌ ನಿವಾಸಿ, ಕಾಸರಗೋಡು ಫೋರ್ಟ್‌ ರೋಡ್‌ನ‌ಲ್ಲಿ ಬಾಡಿಗೆ ಕ್ವಾರ್ಟರ್ಸ್‌ನಲ್ಲಿ ವಾಸಿಸುವ ಅಯ್ಯನಾರ್‌ (55) ಮೃತಪಟ್ಟವರು.

ಮಣ್ಣಿನಡಿಯಲ್ಲಿ ಹೂತು ಹೋಗಿದ್ದ ಅವನ್ನು ಮೇಲಕ್ಕೆತ್ತಿ ಜನರಲ್‌ ಆಸ್ಪತ್ರೆಗೆ ಸಾಗಿಸಲಾಯಿತು. ಆದರೆ ಅದಾಗಲೇ ಮೃತಪಟ್ಟಿದ್ದರು.