ಸೇಂಟ್‌ ಪೀಟರ್ಬರ್ಗ್‌ ಟೆನಿಸ್‌ ಕ್ವಿಟೋವಾ ಚಾಂಪಿಯನ್‌

ಸೇಂಟ್‌ ಪೀಟರ್ಬರ್ಗ್‌: ಡಬಲ್‌ ವಿಂಬಲ್ಡನ್‌ ಚಾಂಪಿಯನ್‌, ಜೆಕ್‌ ಗಣರಾಜ್ಯದ ಪೆಟ್ರಾ ಕ್ವಿಟೋವಾ “ಸೇಂಟ್‌ ಪೀಟರ್ಬರ್ಗ್‌ ಲೇಡೀಸ್‌ ಟ್ರೋಫಿ’ ಟೆನಿಸ್‌ ಪ್ರಶಸ್ತಿ ಜಯಿಸಿದ್ದಾರೆ. ರವಿವಾರ ರಾತ್ರಿಯ ಫೈನಲ್‌ನಲ್ಲಿ ಅವರು ಹಾಲಿ ಚಾಂಪಿಯನ್‌ ಫ್ರಾನ್ಸ್‌ನ ಕ್ರಿಸ್ಟಿನಾ ಲಡೆನೋವಿಕ್‌ ವಿರುದ್ಧ 6-1, 6-2 ಅಂತರದ ಸುಲಭ ಜಯ ಸಾಧಿಸಿದರು.

ಪೆಟ್ರಾ ಕ್ವಿಟೋವಾ ವೈಲ್ಡ್‌ಕಾರ್ಡ್‌ ಮೂಲಕ ಈ ಕೂಟವನ್ನು ಪ್ರವೇಶಿಸಿದ್ದರು. ಈ ಕಾರಣಕ್ಕಾಗಿ ಇದು ತನ್ನ ಪಾಲಿನ ಸ್ಪೆಷಲ್‌ ಟೂರ್ನಮೆಂಟ್‌ ಎಂದು ಬಣ್ಣಿಸಿದ್ದಾರೆ.

“ವಾರದುದ್ದಕ್ಕೂ ನಾನು ನಂಬಲಾಗದ ರೀತಿಯಲ್ಲಿ ಆಡಿದೆ. ಫೈನಲ್‌ ಪ್ರವೇಶಕ್ಕಾಗಿ ಭಾರೀ ಹೋರಾಟವನ್ನೇ ನಡೆಸಬೇಕಾಯಿತು. ಟೆನಿಸಿಗರ ಪಾಲಿಗೆ ವರ್ಷಾರಂಭದ ಟೂರ್ನಿಗಳು ಯಾವತ್ತೂ ದೊಡ್ಡ ಸವಾಲು’ ಎಂದು ಎಡಗೈ ಆಟಗಾರ್ತಿ ಕ್ವಿಟೋವಾ ಹೇಳಿದರು.

ಈ ಜಯದೊಂದಿಗೆ ಪೆಟ್ರಾ ಪಿÌಟೋವಾ ಡಬ್ಲ್ಯುಟಿಎ ರ್‍ಯಾಂಕಿಂಗ್‌ನಲ್ಲಿ 21ನೇ ಸ್ಥಾನಕ್ಕೆ ಮರಳಿದರು. ಸೆಮಿಫೈನಲ್‌ನಲ್ಲಿ ಎಡವಿದ ಜರ್ಮನಿಯ ಜೂಲಿಯಾ ಜಾಜ್‌Õì ಮೊದಲ ಸಲ ಟಾಪ್‌-10 ಯಾದಿಯಲ್ಲಿ ಕಾಣಿಸಿಕೊಂಡರು.