ಹೈದರಾಬಾದ್: ವಿಜಯ್ ದೇವರಕೊಂಡ – ಸಮಂತಾ ಅಭಿನಯದ ʼಖುಷಿʼ ಸಿನಿಮಾ ವಿಶ್ವದೆಲ್ಲೆಡೆ ರಿಲೀಸ್‌ ಆಗಿದೆ. ಅಂದುಕೊಂಡಂತೆ ಮೊದಲ ದಿನವೇ ಸಿನಿಮಾಕ್ಕೆ ಪಾಸಿಟಿವ್‌ ರೆಸ್ಪಾನ್ಸ್‌ ವ್ಯಕ್ತವಾಗಿದೆ.
ʼಖುಷಿʼ ಸಿನಿಮಾ ಪ್ರೇಕ್ಷಕರ ಗಮನ ಸೆಳೆದಿತ್ತು. ಸಮಂತಾ – ದೇವರಕೊಂಡ ಕೆಮೆಸ್ಟ್ರಿ ಟ್ರೇಲರ್‌ ನಲ್ಲಿ ನೋಡುಗರ ಗಮನ ಸೆಳೆದಿತ್ತು. ವಿಪ್ಲವ್ ಹಾಗೂ ಆರಾಧ್ಯ ನಡುವಿನ ಪ್ರೇಮ ಕಥೆಯನ್ನು ಬಿಗ್‌ ಸ್ಕ್ರೀನ್‌ ನಲ್ಲಿ ಎಂಗೇಜ್‌ ಆಗಿ ಶಿವ ನಿರ್ವಾಣ ತೋರಿಸಿದ್ದಾರೆ.
ವಿಪ್ಲವ್ ಮತ್ತು ಆರಾಧ್ಯ ತಮ್ಮ ಪೋಷಕರ ಇಚ್ಛೆಗೆ ವಿರುದ್ಧವಾಗಿ ಮದುವೆಯಾಗುತ್ತಾರೆ. ಮುಂದೆ ದಾಂಪತ್ಯ ಜೀವನದಲ್ಲಿನ ಸವಾಲು, ಸಂಕಷ್ಟಗಳನ್ನು ಹೇಗೆ ಎದುರಿಸುತ್ತಾರೆ ಎನ್ನುವ ಅಂಶಗಳನ್ನು ಸಿನಿಮಾದಲ್ಲಿ ತೋರಿಸಲಾಗಿದೆ.
ಸ್ಯಾಕ್ನಿಲ್ಕ್ ವರದಿಯ ಪ್ರಕಾರ ಸಿನಿಮಾ ಅಂದಾಜು 16 ಕೋಟಿ ರೂಪಾಯಿಯನ್ನು ಗಳಿಸಿದೆ. ಆ ಮೂಲಕ ವಿಜಯ್ ದೇವರಕೊಂಡ ಅವರ ಇತ್ತೀಚೆಗಿನ ಸಿನಿಮಾಗಳನ್ನು ಹೋಲಿಸಿದರೆ ʼಖುಷಿʼ ಸಿನಿಮಾದ ಕಲೆಕ್ಷನ್‌ ಉತ್ತಮವಾಗಿದೆ.
ಮೈತ್ರಿ ಮೇಕರ್ಸ್, ‘ಖುಷಿ’ ಸಿನಿಮಾವನ್ನು ನಿರ್ಮಾಣ ಮಾಡಿದ್ದು,ಸಂಗೀತವನ್ನು ಹೇಶಮ್ ಅಬ್ದುಲ್ ವಹಾಬ್ ಸಂಯೋಜಿಸಿದ್ದಾರೆ. ಈ ಸಿನಿಮಾದಲ್ಲಿ ಜಯರಾಮ್, ಸಚಿನ್ ಖೇಡೇಕರ್, ಮುರಳಿ ಶರ್ಮಾ, ವೆನ್ನೆಲ ಕಿಶೋರ್, ಲಕ್ಷ್ಮಿ, ರೋಹಿಣಿ, ಅಲಿ ಮತ್ತು ರಾಹುಲ್ ರಾಮಕೃಷ್ಣ ಮುಂತಾದವರು ನಟಿಸಿದ್ದಾರೆ.
