Kundapura: ರೈಲಿನಲ್ಲಿ ಐಫೋನ್‌ ಕಳವು

ಕುಂದಾಪುರ: ಕೇರಳದ ಮೊಹಮ್ಮದ್‌ ಮುನ್ಸಿರ್‌ ಅವರ ಬೆಲೆ ಬಾಳುವ ಐಫೋನ್‌ ರೈಲಿನಲ್ಲಿ ಕಳವಾಗಿದೆ.

ಅವರು ಗಂಗಾನಗರ-ಕೊಚ್ಚುವೇಲಿ ಎಕ್ಸ್‌ಪ್ರೆಸ್‌ ರೈಲಿನ ಮುಂಭಾಗದ ಜನರಲ್‌ ಕೋಚ್‌ನಲ್ಲಿ ಮಡಗಾಂವ್‌ನಿಂದ ಮಂಗಳೂರಿಗೆ ಪ್ರಯಾಣಿಸುತ್ತಿದ್ದರು.

ರೈಲು ಕುಂದಾಪುರಕ್ಕೆ ತಲುಪಿದಾಗ 1.50 ಲಕ್ಷ ರೂ.ಗಳ ಐಫೋನ್‌ 16 ಪ್ರೊ ಮೊಬೈಲ್‌ ಕಳವಾಗಿರುವುದು ಗಮನಕ್ಕೆ ಬಂತು. ಮುನ್ಸಿರ್‌ ಕಾಸರಗೋಡು ರೈಲ್ವೆ ಪೊಲೀಸ್‌ ಠಾಣೆಯಲ್ಲಿ ದೂರು ನೀಡಿದ್ದು, ಅದನ್ನು ಕುಂದಾಪುರ ಗ್ರಾಮಾಂತರ ಠಾಣೆಗೆ ವರ್ಗಾಯಿಸಲಾಗಿದೆ.