Chhattisgarh: ಹಳಿ ತಪ್ಪಿದ  ಗೂಡ್ಸ್‌ ರೈಲಿನ 20 ಬೋಗಿಗಳು

ಬಿಲಾಸ್‌ಪುರ: ಛತ್ತೀಸ್‌ಗಢದ ಬಿಲಾಸ್‌ಪುರ ರೈಲ್ವೆ ವಿಭಾಗದಲ್ಲಿ ಕಲ್ಲಿದ್ದಲು ಸಾಗಿಸುತ್ತಿದ್ದ ಗೂಡ್ಸ್‌ ರೈಲಿನ 20 ಬೋಗಿಗಳು ಹಳಿತಪ್ಪಿವೆ. ಪರಿಣಾಮ ಬಿಲಾಸ್‌ಪುರ ಮತ್ತು ಕಾಟ್ನಿ ಮಾರ್ಗದಲ್ಲಿ ಸಾಗುವ ಹಲವಾರು ಪ್ರಯಾಣಿಕ ರೈಲುಗಳ ಸಂಚಾರದ ಮೇಲೆ ಪರಿಣಾಮ ಬೀರಿದೆ.

ಬಿಲಾಸ್‌ಪುರದಿಂದ ಕಾಟ್ನಿ ಕಡೆ ಸಾಗುತ್ತಿದ್ದ ರೈಲು, ಖೋಂಗ್‌ಸರಾ ಮತ್ತು ಭನವಾರ್‌ಟಂಕ್‌ ನಡುವೆ ಹಳಿ ತಪ್ಪಿದೆ. ಈ ಕುರಿತು ಪ್ರತಿಕ್ರಿಯಿಸಿರುವ ರೈಲ್ವೆ ಅಧಿಕಾರಿಗಳು, ಘಟನೆಯಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ ಎಂದು ಹೇಳಿದ್ದಾರೆ.