ವಿಮಾನ ನಿಲ್ದಾಣದಲ್ಲಿ ಕೃಣಾಲ್‌ ವಿಚಾರಣೆ

ಮುಂಬಯಿ: ಐಪಿಎಲ್‌ ಮುಗಿಸಿ ದುಬಾೖಯಿಂದ ಮರಳುವಾಗ ಮುಂಬೈ ತಂಡದ ಆಟಗಾರ ಕೃಣಾಲ್‌ ಪಾಂಡ್ಯ ಅವರನ್ನು ಮುಂಬಯಿ ವಿಮಾನ ನಿಲ್ದಾಣದಲ್ಲಿ ಆದಾಯ ಗುಪ್ತಚರ ಮಹಾನಿರ್ದೇಶನಾಲಯದ (ಡಿಆರ್‌ಐ) ಅಧಿಕಾರಿಗಳು ತಡೆದು ವಿಚಾರಣೆ ನಡೆಸಿದ ಘಟನೆ ಗುರುವಾರ ಸಂಭವಿಸಿದೆ. ಹೆಚ್ಚುವರಿ ಮೊತ್ತದ ಚಿನ್ನ ಹಾಗೂ ಇತರ ಬೆಲೆಬಾಳುವ ವಸ್ತುವನ್ನು ಹೊಂದಿರುವ ಹಿನ್ನೆಲೆಯಲ್ಲಿ ಈ ಕ್ರಮ ತೆಗೆದುಕೊಳ್ಳಲಾಗಿದೆ. ಇದಕ್ಕೆ ಸುಂಕ ಪಾವತಿಸಲು ಸೂಚಿಸಲಾಗಿದೆ.

ಸರಕಾರದ ನಿಯಮದಂತೆ, ದುಬಾೖಯಿಂದ ಮರಳುವ ಪುರುಷ ಪ್ರಯಾಣಿಕರು 50 ಸಾವಿರ ರೂ. ಮೊತ್ತದ ಚಿನ್ನಾಭರಣಗಳನ್ನಷ್ಟೇ ಸುಂಕ ರಹಿತವಾಗಿ ತರಬಹುದಾಗಿದೆ.