ಸುಂಕಸಾಲೆ ಶಾಲೆಗೆ ಶಾಸಕ ಕುಮಾರಸ್ವಾಮಿ ಭೇಟಿ

ಕೊಟ್ಟಿಗೆಹಾರ: ಸುಂಕಸಾಲೆಯ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ಶಾಸಕ ಎಂ.ಪಿ. ಕುಮಾರಸ್ವಾಮಿ ಭೇಟಿ ನೀಡಿದ್ದರು.

ಈ ವೇಳೆ ಪತ್ರಿಕೆಯೊಂದಿಗೆ ಮಾತನಾಡಿದ ಅವರು, ಶಾಲೆಯ ಶಿಕ್ಷಕ ಕಾಂತರಾಜ್‌ ಅವರ ಶ್ರಮದಿಂದಾಗಿ ಶಾಲೆಗೊಂದು ಹೊಸ ರೂಪ ಬಂದಿದೆ. ಇಂತಹ ಸುಂದರವಾದ ಪರಿಸರವನ್ನು ನಿರ್ಮಾಣ ಮಾಡುವುದರಿಂದ ಮಕ್ಕಳಿಗೆ ಉತ್ತಮ ಕಲಿಕಾ ವಾತಾವರಣ ನಿರ್ಮಾಣವಾಗುತ್ತದೆ. 33 ಲಕ್ಷ ವೆಚ್ಚದಲ್ಲಿ 3 ಕೊಠಡಿ ನಿರ್ಮಿಸಲಾಗಿದೆ. ತಾಪಂ ವತಿಯಿಂದ ಶಾಲಾಭಿವೃದ್ಧಿಗೆ 1 ಲಕ್ಷ ಅನುದಾನ ಬಂದಿದೆ ಎಂದರು. ಈ ಸಂದರ್ಭದಲ್ಲಿ ಶಿಕ್ಷಕ ಕಾಂತರಾಜ್‌, ಬಿಜೆಪಿ ಯುವ ಮುಖಂಡ ಪರೀಕ್ಷಿತ್‌ ಜಾವಳಿ, ಸ್ಥಳೀಯರಾದ ರವಿ ಬಲಿಗೆ, ಶ್ರೀಮೂರ್ತಿ ಮುಂತಾದವರು ಇದ್ದರು.