ಜೈರಾಮ.. ಶ್ರೀರಾಮ.. ಜಯ ಜಯ ರಾಮ : ಭಕ್ತರಿಂದ ರಾಮಾಂಜನೇಯರ ನಾಮಸ್ಮರಣೆ

ಕೊಪ್ಪಳ: ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣಕ್ಕೆ ಅಡಿಗಲ್ಲು ಸಮಾರಂಭ ಆರಂಭವಾಗುತ್ತಿದ್ದಂತೆ ಇತ್ತ ಹನುಮನು ಜನಿಸಿದ ನಾಡು, ರಾಮನ ನಡೆದಾಡಿದ ಪುಣ್ಯ ಪವಿತ್ರ ನೆಲವಾದ ಜಿಲ್ಲೆಯ ವಿವಿಧ ದೇವಸ್ಥಾನಗಳಲ್ಲಿ ಭಕ್ತರು ವಿಶೇಷ ಪೂಜೆ, ಅಭಿಷೇಕ ನೆರವೇರಿಸಿದರು. ಅಂಜನಾದ್ರಿ ದೇವಸ್ಥಾನದಲ್ಲಿ ವಿಶೇಷ ಪಾರಾಯಣ ಜರುಗಿತು. ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣಕ್ಕೆ ಅಡಿಗಲ್ಲು ನೆರವೇರುತ್ತಿದ್ದಂತೆ ಇತ್ತ ಸರಳವಾಗಿಯೇ ಪೂಜಾ  ಕಾರ್ಯಗಳು ಜರುಗಿದವು. ತಾಲೂಕಿನ
ಹುಲಿಗೆಮ್ಮ ದೇವಸ್ಥಾನದಲ್ಲಿ ಬೆಳಗ್ಗೆ ಪೂಜೆ ನಡೆದರೆ, ಅಂಜನಾದ್ರಿ ದೇವಸ್ಥಾನದಲ್ಲಿ ಬೆಳಗ್ಗೆಯಿಂದಲೂ ಪೂಜಾ ಕಾರ್ಯ ಜರುಗಿತು. ಇನ್ನೂ ಕೊಪ್ಪಳದ ವಿವಿಧ ದೇವಸ್ಥಾನಗಳಲ್ಲೂ ಭಕ್ತರು ಪೂಜೆ ಸಲ್ಲಿಸಿ ರಾಮನಾಮ ಸ್ಮರಣೆ ಮಾಡಿದರು.