ಕೋಲ್ಕತಾ: ಫ‌ುಟ್‌ಬಾಲ್‌ಗೆ 600 ಬಸ್ಸುಗಳ ಸೇವೆ

ಕೋಲ್ಕತಾ: ಅಂಡರ್‌-17 ಫ‌ುಟ್ಬಾಲ್‌ ಪಂದ್ಯಾವಳಿಯ ವೇಳೆ ಕೋಲ್ಕತಾದ ಸಾಲ್ಟ್ಲೇಕ್‌ ಸ್ಟೇಡಿಯಂನಿಂದ ವಿವಿಧ ಕಡೆ ಸಂಚಾರಕ್ಕಾಗಿ 600 ವಿಶೇಷ ಬಸ್ಸುಗಳನ್ನು ಓಡಿಸಲಾಗುವುದು ಎಂದು ಪಶ್ಚಿಮ ಬಂಗಾಲದ ಸಾರಿಗೆ ಸಚಿವ ಸುವೇಂದು ಅಧಿಕಾರಿ ಹೇಳಿದ್ದಾರೆ. ಇದರಲ್ಲಿ ವೆಸ್ಟ್‌ ಬೆಂಗಾಲ್‌ ಟ್ರಾನ್ಸ್‌ಪೊàರ್ಟ್‌ ಕಾರ್ಪೋರೇಶನ್‌ ಒಂದೇ 480 ಬಸ್ಸುಗಳನ್ನು ರಸ್ತೆಗಿಳಿಸಲಿದೆ. ಒಟ್ಟು 430 ಬಸ್ಸುಗಳು ಹವಾ ನಿಯಂತ್ರಣದ ವ್ಯವಸ್ಥೆ ಹೊಂದಿದೆ.

ಫ‌ುಟ್‌ಬಾಲ್‌ ಸಂದರ್ಭದಲ್ಲಿ ಸಾವಿರಾರು ಮಂದಿ ಕೋಲ್ಕತಾಕ್ಕೆ ಆಗಮಿಸಲಿರುವುದರಿಂದ ಈ ವ್ಯವಸ್ಥೆ ಮಾಡಲಾಗಿದೆ. ಈ ಬಸ್ಸುಗಳ ಚಾಲಕ ಹಾಗೂ ನಿರ್ವಾಹಕರಿಗೆ ವಿಶೇಷ ತರಬೇತಿಯನ್ನೂ ನೀಡಲಾಗಿದೆ.