Netherlands: ಇಸ್ರೇಲ್‌ ಫುಟ್ಬಾಲ್‌ ಅಭಿಮಾನಿಗಳ ಮೇಲೆ ದಿಢೀರ್‌ ದಾಳಿ!

ಆ್ಯಮ್‌ಸ್ಟರ್‌ಡ್ಯಾಂ: ಇಸ್ರೇಲ್‌ ಫುಟ್‌ಬಾಲ್‌ ತಂಡದ ಅಭಿಮಾನಿಗಳ ಮೇಲೆ ನೆದರ್ಲೆಂಡ್‌ನ‌ಲ್ಲಿ ಗುರುವಾರ ರಾತ್ರಿ ದಾಳಿ ನಡೆದಿದೆ. ಫ‌ುಟ್‌ಬಾಲ್‌ ಪಂದ್ಯ ಮುಗಿಸಿ ಹಿಂದಿರುಗುತ್ತಿದ್ದವರ ಮೇಲೆ ಹಿಟ್‌ ಆ್ಯಂಡ್‌ ರನ್‌ ಮಾದರಿ ದಾಳಿ ನಡೆದಿದ್ದು ಐವರು ಗಾಯಗೊಂಡಿದ್ದಾರೆ. ಈ ಘಟನೆಗೆ ಸಂಬಂಧಿಸಿದಂತೆ 62 ಮಂದಿ­ಯನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿ­ದ್ದಾರೆ. ಇಸ್ರೇಲ್‌ ವಿರೋಧಿಗಳು ಅಥವಾ ಪ್ಯಾಲೆಸ್ತೀನ್‌ ಪರವಾಗಿರುವವರು ಈ ದಾಳಿ ನಡೆಸಿರುವ ಶಂಕೆ ವ್ಯಕ್ತ­ಪಡಿಸಲಾಗಿದ್ದು, ಇಸ್ರೇಲಿಗರನ್ನು ಮರಳಿ ಕರೆಸಿಕೊ­ಳ್ಳಲು ಇಸ್ರೇಲ್‌ ಪ್ರಧಾನಿ ಬೆಂಜಮಿನ್‌ ನೆತನ್ಯಾಹು ವಿಶೇಷ ವಿಮಾನದ ವ್ಯವಸ್ಥೆ ಮಾಡಿದ್ದಾರೆ. ದಾಳಿ ನಡೆಸಿದವರು ‘ಪ್ಯಾಲೆಸ್ತೀನ್‌ ಮೇಲಿನ ದಾಳಿಯನ್ನು ನಿಲ್ಲಿಸಿ’ ಎಂದು ಹಾಗೂ ಇಸ್ರೇಲ್‌ನ ವಿರುದ್ಧ ಘೋಷಣೆ ಕೂಗಿದ್ದಾರೆ ಎಂದು ವರದಿಗಳು ತಿಳಿಸಿವೆ.