ಪಂಜಾಬ್‌ ತೊರೆಯಲು ಕಾರಣ ಬಿಚಿಟ್ಟ ಕೆ.ಎಲ್‌.ರಾಹುಲ್‌

ಮುಂಬಯಿ: ಈ ಹಿಂದಿನ ಐಪಿಎಲ್‌ ಆವೃತ್ತಿಗಳಲ್ಲಿ ಪಂಜಾಬ್‌ ಕಿಂಗ್ಸ್‌ ತಂಡದ ಕ್ಯಾಪ್ಟನ್‌ ಆಗಿದ್ದ ಕೆ.ಎಲ್‌. ರಾಹುಲ್‌ ದಿಢೀರ್‌ ಹೊರಬಂದು ನೂತನ ಲಕ್ನೋ ತಂಡ ಸೇರಿಕೊಂಡಿದ್ದರು.

ಯಾಕಾಗಿ ಅವರು ಈ ನಿರ್ಧಾರ ಕೈಗೊಂಡಿದ್ದಾರೆಂಬ ಪ್ರಶ್ನೆಗೆ ಇಲ್ಲಿಯವರೆಗೆ ಉತ್ತರ ಸಿಕ್ಕಿರಲಿಲ್ಲ. ಇದೀಗ ಸ್ವತಃ ರಾಹುಲ್‌ ಅವರೇ ಈ ವಿಚಾರವನ್ನು ತಿಳಿಸಿದ್ದಾರೆ.

ಹೊಸ ತಂಡದಲ್ಲಿ ಮತ್ತಷ್ಟು ಅವಕಾಶ ಎದುರು ನೋಡುವ ಉದ್ದೇಶದಿಂದ ಈ ನಿರ್ಧಾರ ಕೈಗೊಂಡಿದ್ದಾಗಿ ರಾಹುಲ್‌ ತಿಳಿಸಿದ್ದಾರೆ.

ಇದನ್ನೂ ಓದಿ:ಎಟಿಪಿ ಶ್ರೇಯಾಂಕ​: ಮತ್ತೆ ಅಗ್ರಸ್ಥಾನಕ್ಕೆ ಮರಳಿದ ನೊವಾಕ್ ಜೊಕೋವಿಕ್‌

ಮತ್ತಷ್ಟು ಸಾಧನೆ..
“ಪಂಜಾಬ್‌ ತಂಡ ತೊರೆಯುವ ನಿರ್ಧಾರ ತುಂಬಾ ಕಠಿನವಾಗಿತ್ತು. ಕಳೆದ ನಾಲ್ಕು ವರ್ಷಗಳಿಂದ ಆ ತಂಡದ ಭಾಗವಾಗಿದ್ದೆ. ಆದರೆ ನನಗಾಗಿ ಬೇರೆ ಇನ್ನೇನೋ ಕಾದಿದೆ. ಹೊಸ ಅವಕಾಶ ಪಡೆದುಕೊಂಡು ಕ್ರಿಕೆಟ್‌ ವೃತ್ತಿ ಬದುಕಿನಲ್ಲಿ ಮತ್ತಷ್ಟು ಸಾಧಿಸಬಹುದು ಎಂಬ ಕಾರಣಕ್ಕಾಗಿ ಈ ನಿರ್ಧಾರ ಕೈಗೊಳ್ಳಬೇಕಾಯಿತು. ಹೀಗಾಗಿ ಪಂಜಾಬ್‌ ತಂಡದಿಂದ ಹೊರಬಂದೆ’ ಎಂದು ರಾಹುಲ್‌ ಹೇಳಿದ್ದಾರೆ.