Kiran Pahal: ವನಿತೆಯರ 400 ಮೀ.; ಕಿರಣ್‌ ಪಹಲ್‌ ಒಲಿಂಪಿಕ್ಸ್‌ ಗೆ ಅರ್ಹತೆ

ಪಂಚಕುಲ: ಹರಿಯಾಣದ ಕಿರಣ್‌ ಪಹಲ್‌ ಅವರು ಇಲ್ಲಿ ಸಾಗುತ್ತಿರುವ ರಾಷ್ಟ್ರೀಯ ಅಂತಾರಾಜ್ಯ ಆ್ಯತ್ಲೆಟಿಕ್‌ ಕೂಟದ ವನಿತೆಯರ 400  ಮೀ. ಸೆಮಿಫೈನಲ್‌ ಹೋರಾಟದಲ್ಲಿ 50.92 ಸೆ.ನಲ್ಲಿ ಗುರಿ ತಲುಪಿದ ಸಾಧನೆ ಮಾಡಿ ಪ್ಯಾರಿಸ್‌ ಒಲಿಂಪಿಕ್ಸ್‌ನಲ್ಲಿ ಭಾಗವಹಿಸಲು ಅರ್ಹತೆ ಗಳಿಸಿಕೊಂಡರು.

ವನಿತೆಯರ 400 ಮೀ. ಸ್ಪರ್ಧೆಗೆ ಒಲಿಂಪಿಕ್ಸ್‌ಗೆ ಅರ್ಹತೆ ಗಳಿಸಲು ಸ್ಪರ್ಧಿಗಳು 50.95 ಸೆ.ನಲ್ಲಿ ಗುರಿ ತಲುಪಿದ ಸಾಧನೆ ಮಾಡಬೇಕಿತ್ತು. ಕಿರಣ್‌ ಈ ಗುರಿಗಿಂತ  ಮೊದಲೇ ತಲುಪಿದ್ದರಿಂದ ಒಲಿಂಪಿಕ್ಸ್‌ಗೆ ಅರ್ಹತೆ ಗಳಿಸಿದರು. ಇದು ಈ ಋತುವಿನಲ್ಲಿ ಅವರ ಶ್ರೇಷ್ಠ ನಿರ್ವಹಣೆಯೂ ಆಗಿದೆ. ಅವರು 51 ಸೆ.ನೊಳಗೆ ಸ್ಪರ್ಧೆ ಮುಗಿಸಿದ ಭಾರತದ ಎರಡನೇ ವನಿತೆಯಾಗಿದ್ದಾರೆ.

53.44 ಸೆ.ನಲ್ಲಿ ಗುರಿ ತಲುಪಿದ ಗುಜರಾತ್‌ನ ದೇವಿ ಅನಿಬಾ ಜಲಾ ಬೆಳ್ಳಿ ಮತ್ತು ಕೇರಳದ ಸ್ನೇಹಾ ಕೆ. ಕಂಚು (53.51 ಸೆ.) ಗೆದ್ದರು.