ಸಂಘ ಪರಿವಾರದಿಂದಲೇ ಹತ್ಯೆಗಳು ನಡೆಯುತ್ತಿವೆ:ರೈ ವಿವಾದ 

ಬೆಳ್ತಂಗಡಿ: ‘ಇಲ್ಲಿ ಸಂಘ ಪರಿವಾರದಿಂದಲೇ  ಹಿಂದೂಗಳ ಹತ್ಯೆಗಳನ್ನು ಮಾಡಿದ್ದಾರೆ’…ಇದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಸುದ್ದಿಗಾರರೊಂದಿಗೆ ಮಾತನಾಡುತ್ತಿದ್ದ ವೇಳೆ ಹಿಂಬದಿಯಿಂದ ಸಚಿವ ರಮನಾಥ ರೈ ಅವರು ಮಾತನಾಡಿದ ಪರಿ .

ಸಿಎಂ ಸುದ್ದಿಗಾರರೊಂದಿಗೆ ಮಾತನಾಡುವ ವೇಳೆ ‘ಬಶೀರ್‌ ಅವರ ಕೊಲೆ ಆಗಿದೆ ಅವರು ಹಿಂದೂವೇ . ಕೊಲೆ ಮಾಡುವವರಿಗೆ ಧರ್ಮ ಇಲ್ಲ. ಅವರು ಮನುಷ್ಯತ್ವವೇ ಇಲ್ಲದವರು’ ಎಂದು ಸಮತೂಲಿತ ಮಾತುಗಳನ್ನಾಡಿದರು. 

ಆದರೆ ಸಿಎಂ ಮಾತಾನಾಡುತ್ತಿದ್ದ ವೇಳೆಯೇ ಮಧ್ಯ ಮಧ್ಯ ಮಾತನಾಡುತ್ತಿದ್ದ ರೈ ಅವರು  ಇಲ್ಲಿ ಸಂಘಪರಿವಾರದಿಂದಲೇ ಹತ್ಯೆಗಳು ನಡೆದಿವೆ, ಹಿಂದೂಗಳ ಹತ್ಯೆ ನಡೆದಿವೆ’ ಎನ್ನುವ ಮೂಲಕ ಆಕ್ರೋಶಕ್ಕೆ ಗುರಿಯಾಗಿದ್ದಾರೆ.

ಈಗಾಗಲೇ ಕೆಲ ಹೇಳಿಕೆಗಳಿಂದ ವ್ಯಾಪಕವಾಗಿ ಟ್ರೋಲ್‌ ಆಗಿರುವ ರೈ ಹೇಳಿಕೆ ಇನ್ನೊಂದು ವಿವಾದ ಹುಟ್ಟು ಹಾಕಿದ್ದಾರೆ.