ಅಪಘಾತ : ಕೆಜಿಎಫ್ ಖ್ಯಾತಿಯ ನಟ ಬಿ.ಎಸ್.ಅವಿನಾಶ್ ಪಾರು

ಬೆಂಗಳೂರು : ಕನ್ನಡ ಚಲನಚಿತ್ರ ನಟ, ಕೆಜಿಎಫ್ ಖ್ಯಾತಿಯ ಬಿ.ಎಸ್.ಅವಿನಾಶ್ ಅವರ ಕಾರಿಗೆ ಗುರುವಾರ ಕಂಟೈನರ್ ಢಿಕ್ಕಿ ಹೊಡೆದಿದ್ದು, ಅದೃಷ್ಟವಷಾತ್ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

“ಬುಧವಾರ ಬೆಳಿಗ್ಗೆ 6:05 ರ ಸುಮಾರಿಗೆ ನಡೆದ ಘಟನೆ ಇದಾಗಿದೆ ಎಂದು ಅವಿನಾಶ್ ಫೇಸ್‌ಬುಕ್ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ. ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.

ಘಟನೆಯ ನ್ನು ನೆನಪಿಸಿಕೊಂಡ ಅವರು, ಜಿಮ್ ಕಡೆಗೆ ಕಾರಿನಲ್ಲಿ ತೆರಳುತ್ತಿದ್ದಾಗ ಅನಿಲ್ ಕುಂಬ್ಳೆ ವೃತ್ತದ ಬಳಿ ಗ್ರೀನ್ ಸಿಗ್ನಲ್ ಅನ್ನು ಅನುಸರಿಸಿ ಚಲಿಸುವಾಗ ಅಪಘಾತ ಸಂಭವಿಸಿದೆ.ಆದರೆ ರೆಡ್ ಸಿಗ್ನಲ್ ಜಂಪ್ ಮಾಡಿ ಖಾಲಿ ರಸ್ತೆಯಲ್ಲಿ ವೇಗವಾಗಿ ಬಂದ ಕಂಟೇನರ್ ನನ್ನ ಕಾರಿಗೆ ಢಿಕ್ಕಿ ಹೊಡೆದಿದೆ, ಅದರ ಪರಿಣಾಮ ಬಾನೆಟ್ ನಜ್ಜುಗುಜ್ಜಾಗಿದೆ . ಸರ್ವೇಶ್ವರ ಮತ್ತು ನಿಮ್ಮೆಲ್ಲರ ಪ್ರೀತಿಗೆ ಧನ್ಯವಾದಗಳು, ನಾನು ಗಾಯಗೊಂಡಿಲ್ಲ. ಅಪಘಾತದಲ್ಲಿ ಕಾರಿಗೆ ಮಾತ್ರ ಹಾನಿಯಾಗಿದೆ” ಎಂದು ಅವಿನಾಶ್ ಹೇಳಿಕೊಂಡಿದ್ದಾರೆ.