ಪಿಣರಾಯಿಗೆ ಕೊಲೆ ಬೆದರಿಕೆ

ದುಬೈ: ದುಬೈನಲ್ಲಿರುವ ಭಾರತೀಯ ನಿವಾಸಿಯೊಬ್ಬರು ಕೇರಳ ಸಿಎಂ ಪಿಣರಾಯಿ ವಿಜಯನ್‌ ಅವರಿಗೆ ಫೇಸ್‌ ಬುಕ್‌ ವಿಡಿಯೋ ಮೂಲಕ ಕೊಲೆ ಬೆದರಿಕೆ ಒಡ್ಡಿದ್ದು, ಈ ವಿಷಯ ಬಹಿರಂಗವಾಗುತ್ತಲೇ ಉದ್ಯೋಗ ನಿರ್ವಹಿಸುತ್ತಿದ್ದ ಸಂಸ್ಥೆ ಅವರನ್ನು ಕೆಲಸದಿಂದ ವಜಾಗೊಳಿಸಿದೆ. ಕೃಷ್ಣ ಕುಮಾರ್‌ ಎಸ್‌ಎನ್‌ ನಾಯರ್‌ ಕೆಲಸ ಕಳೆದುಕೊಂಡ ವ್ಯಕ್ತಿ. ತಾವು ಆರ್‌.ಎಸ್‌.ಎಸ್‌. ಬೆಂಬಲಿಗ ಎಂದು ಹೇಳಿಕೊಂಡಿರುವ ಅವರು, ಅಬುಧಾಬಿ ಮೂಲದ ನಿರ್ಮಾಣ ಸಂಸ್ಥೆಯಲ್ಲಿ ಹಿರಿಯ ನಿರ್ವಾಹಕರಾಗಿ ಕಾರ್ಯನಿರ್ವಹಿಸುತ್ತಿದ್ದರು. 4 ನಿಮಿಷದ ವಿಡಿಯೋವನ್ನು ಫೇಸ್‌ ಬುಕ್‌ ನಲ್ಲಿ ಹರಿಬಿಟ್ಟಿರುವ ಇವರು, ನಾನು ಪಿಣರಾಯಿಯನ್ನು ಕೊಲೆ ಮಾಡಲೆಂದೇ ಕೇರಳಕ್ಕೆ ಬರಲಿದ್ದೇನೆ ಎಂದು ಹೇಳಿದ್ದರು.