ಅತ್ಯಾಚಾರ ಆರೋಪ: 3 ಕೇರಳ ಪಾದ್ರಿಗಳಿಗೆ ನಿರೀಕ್ಷಣಾ ಜಾಮೀನು ಇಲ್ಲ

ಕೊಚ್ಚಿ : ಮಹಿಳೆಯ ಮೇಲಿನ ಅತ್ಯಾಚಾರದ ಆರೋಪ ಹೊತ್ತಿರುವ ಮೂವರು ಪಾದ್ರಿಗಳು ನಿರೀಕ್ಷಣಾ ಜಾಮೀನು ಕೋರಿ ಸಲ್ಲಿಸಿರುವ ಅರ್ಜಿಗಳನ್ನು ಕೇರಳ ಹೈಕೋರ್ಟ್‌ ತಿರಸ್ಕರಿಸಿದೆ.

ತನಿಖೆಯ ಈ ಆರಂಭಿಕ ಹಂತದಲ್ಲೇ ಜಾಮೀನು ನೀಡಿದರೆ ಅದರಿಂದ ತನಿಖೆಯ ಮೇಲೆ ಪರಿಣಾಮ ಉಂಟಾಗುತ್ತದೆ ಎಂದು ಹೈಕೋರ್ಟ್‌ ಹೇಳಿದೆ.

ಮಲಂಕಾರಾ ಸಿರಿಯನ್‌ ಆರ್ಥಡಕ್ಸ್‌ ಚರ್ಚಿನ ಐದು ಪಾದ್ರಿಗಳ ಪೈಕಿ ಮೂವರಾದ ಅಬ್ರಹಾಂ ವರ್ಗಿಸ್‌ ಅಲಿಯಾಸ್‌ ಸೋನಿ, ಜಾಬ್‌ ಮ್ಯಾಥ್ಯೂ ಮತ್ತು ಜೈಸ್‌ ಕೆ ಜಾರ್ಜ್‌ ಅವರು ತಮ್ಮ ವಿರುದ್ಧ ಕೇರಳ ಪೊಲೀಸರು ಅತ್ಯಾಚಾರದ ಕೇಸು ದಾಖಲಿಸಿದೊಡನೆಯೇ, ನಿರೀಕ್ಷಣಾ ಜಾಮಿನು ಕೋರಿ ಕೇರಳ ಹೈಕೋರ್ಟ್‌ ಮೆಟ್ಟಲೇರಿದ್ದರು.