ಕಜಕ್‌ಸ್ಥಾನದಲ್ಲಿ ವಿಮಾನ ದುರಂತ: 12 ಸಾವು

ಆಲ್ಮಟಿ: ಕಜಕ್‌ಸ್ಥಾನದ ಆಲ್ಮಟಿ ನಗರದ ವಿಮಾನ ನಿಲ್ದಾಣದಿಂದ ಟೇಕ್‌ ಆಫ್ ಆದ ವಿಮಾನವೊಂದು ಹತ್ತಿರದ ಮನೆ ಮೇಲೆ ಪತನಗೊಂಡ ಪರಿಣಾಮ 12 ಜನರು ಮೃತಪಟ್ಟು, 53ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಇದು ಬೆಕ್‌ಏರ್‌ ಸಂಸ್ಥೆಯ ವಿಮಾನವಾಗಿದ್ದು ಅದರಲ್ಲಿ 100 ಜನ ಪ್ರಯಾಣಿಸುತ್ತಿದ್ದರು.

ವಿಮಾನದ ಮುಂಭಾಗವು ಮನೆಗೆ ಅಪ್ಪಳಿಸಿದ ಕಾರಣ ಅದು 2 ಭಾಗವಾಗಿದೆ. ರಕ್ಷಣಾ ಕಾರ್ಯಕರ್ತರು ವಿಮಾನದ ಅವಶೇಷಗಳಿಂದ ಹಲವರನ್ನು ರಕ್ಷಿಸಿದ್ದಾರೆ. ಇದು ಪೈಲಟ್‌ನಿಂದಾದ ತಪ್ಪೇ ಅಥವಾ ತಾಂತ್ರಿಕ ದೋಷವೇ ಎಂಬುದರ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.