ಕವಿತಾ ಲಂಕೇಶ್‌ ಹೊಸ ಚಿತ್ರ ಶುರು

“ಕರಿಯ ಕಣಿºಟ್ಟ’ ಸಿನಿಮಾದ ನಂತರ ಕವಿತಾ ಲಂಕೇಶ್‌ ಅದ್ಯಾಕೋ ಯಾವುದೇ ನಿರ್ದೇಶನ ಮಾಡಿರಲಿಲ್ಲ. ಕವಿತಾ ಲಂಕೇಶ್‌ ಮತ್ತೆ ನಿರ್ದೇಶನಕ್ಕೆ ಮರಳಿದ್ದಾರೆ. ಹೆಸರಿಡದ ಚಿತ್ರವೊಂದನ್ನು ಅವರು ನಿರ್ದೇಶಿಸಲಿದ್ದು, ಅಂದಹಾಗೆ, ಈ ಚಿತ್ರದ ಹೀರೋ ಯಾರು ಗೊತ್ತಾ? “ಕೇಸ್‌ ನಂ 18/7′ ಚಿತ್ರದಲ್ಲಿ ಹೀರೋ ಆಗಿದ್ದ ನಿರಂಜನ್‌ ಶೆಟ್ಟಿ, ಈ ಚಿತ್ರಕ್ಕೆ ನಾಯಕರಾಗಿದ್ದಾರೆ. ನಿರಂಜನ್‌ ಅಭಿನಯದ “ರಾಜರು’ ಎಂಬ ಚಿತ್ರ ಇತ್ತೀಚೆಗಷ್ಟೇ ಶುರುವಾಗಿತ್ತು.

ಈಗ ಅವರು ಕವಿತಾ ಲಂಕೇಶ್‌ ನಿರ್ದೇಶನದ ಚಿತ್ರಕ್ಕೆ ಹೀರೋ ಆಗಿ ಆಯ್ಕೆಯಾಗಿದ್ದಾರೆ. ಸುಧೀಕ್ಷ ಗ್ರೂಪ್‌ ಆಫ್ ಕಂಪೆನಿಯ ಸುಬ್ರಹ್ಮಣ್ಯ ಶರ್ಮ ಆವರು ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಈ ಹೆಸರಿಡದ ಚಿತ್ರವು, ಕವಿತಾ ಲಂಕೇಶ್‌ ನಿರ್ದೇಶನದ ಎಂಟನೇ ಚಿತ್ರವಾಗಲಿದ್ದು, ಚಿತ್ರಕ್ಕೆ ಕವಿತಾ ಅವರೇ ಕಥೆ, ಚಿತ್ರಕಥೆಯನ್ನು ಸಹ ರಚಿಸಿದ್ದಾರೆ. ಮಾರ್ಚ್‌ನಲ್ಲಿ ಶುರುವಾಗಲಿರುವ ಈ ಚಿತ್ರದಲ್ಲಿ ಒಟ್ಟು ನಾಲ್ಕು ಹಾಡುಗಳಿದ್ದು, ಬೆಂಗಳೂರು, ಉತ್ತರ ಕರ್ನಾಟಕ ಮತ್ತು ವಿದೇಶದಲ್ಲಿ ಚಿತ್ರೀಕರಣ ನಡೆಯಲಿದೆ.