Katapady: ಬೈಕ್‌ ಢಿಕ್ಕಿ; ಕೂಲಿ ಕಾರ್ಮಿಕನಿಗೆ ಗಾಯ

ಕಾಪು: ಬೈಕ್‌ ಢಿಕ್ಕಿ ಹೊಡೆದು ಕೂಲಿ ಕಾರ್ಮಿಕ ಗಾಯಗೊಂಡ ಘಟನೆ ರಾ.ಹೆ. 66ರ ಮೂಡಬೆಟ್ಟು ಅಂಬಿಕಾ ಟಿಂಬರ್ ಬಳಿ ಮಾ. 1ರಂದು ರಾತ್ರಿ ನಡೆದಿದೆ.

ಮೂಲತಃ ಕೊಪ್ಪಳ ನಿವಾಸಿ, ಪ್ರಸ್ತುತ ಕಟಪಾಡಿ ಪರಿಸರದಲ್ಲಿ ವಾಸಮಾಡಿಕೊಂಡಿರುವ ನೀಲಪ್ಪ (50) ಗಾಯಾಳು ಕೂಲಿ ಕಾರ್ಮಿಕ.

ವಾರದ ಹಿಂದೆ ಕೆಲಸದ ನಿಮಿತ್ತ ಕಟಪಾಡಿಗೆ ಆಗಮಿಸಿದ್ದ ನೀಲಪ್ಪ ಸಂಜೆ ಅಂಬಿಕಾ ಟಿಂಬರ್ ಬಳಿ ರಸ್ತೆ ದಾಟುತ್ತಿದ್ದಾಗ ಬೈಕ್‌ ಢಿಕ್ಕಿ ಹೊಡೆದಿತ್ತು. ಸ್ಥಳಕ್ಕೆ ಬಂದ ಸಾರ್ವಜನಿಕರು ಗಾಯಾಳುವನ್ನು ಉಪಚರಿಸಿ ಜಿಲ್ಲಾ ಸರಕಾರಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಬೈಕ್‌ ಸವಾರ ಪರಾರಿಯಾಗಿದ್ದಾನೆ.

ಗಾಯಳುವಿನ ಎಡಗೈ ಮೂಳೆ ಮುರಿತವಾಗಿದೆ. ಕಾಪು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.