Advertisement

Sullia ರಸ್ತೆಗೆ ಬಿದ್ದ ಬ್ಯಾಗ್‌ ಹೊತ್ತೊಯ್ದ ಬೈಕ್‌ ಸವಾರ; ಪ್ರಕರಣ ದಾಖಲು

11:02 PM Apr 14, 2024 | Team Udayavani |

ಸುಳ್ಯ: ಕಾರಿನ ಹಿಂಬದಿ ಸೀಟಿನಲ್ಲಿದ್ದ ನಗ-ನಗದು ಇದ್ದ ಬ್ಯಾಗ್‌ವೊಂದು ಕಾರಿನಿಂದ ರಸ್ತೆಗೆ ಬಿದ್ದಿದ್ದು, ಅದನ್ನು ಬೈಕ್‌ ಸವಾರರೊಬ್ಬರು ಹೊತ್ತೊಯ್ದಿರುವ ಬಗ್ಗೆ ಸುಳ್ಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

Advertisement

ಪೈಚಾರಿನ ಅಜೀಜ್‌ ಅವರು ಎ. 13ರಂದು ರಾತ್ರಿ ಕಾರಿನಲ್ಲಿ ಗುತ್ತಿಗಾರಿನ ಸಂಬಂಧಿಕರ ಮನೆಗೆ ತೆರಳುವ ವೇಳೆ ಹಿಂಬದಿ ಸೀಟಿನಲ್ಲಿದ್ದ ಬ್ಯಾಗ್‌ ಜಾರಿ ಡೋರ್‌ನಲ್ಲಿ ಸಿಲುಕಿ ಅನಂತರ ಕಾರಿನಿಂದ ರಸ್ತೆಗೆ ಬಿದ್ದಿತ್ತು. ರಸ್ತೆಯಲ್ಲಿ ಬಂದು ಹುಡುಕಾಟ ನಡೆಸಿದರೂ ಪತ್ತೆಯಾಗಿರಲಿಲ್ಲ.

ಸಮೀಪದ ಮನೆಯ ಸಿಸಿ ಟಿವಿ ಪರಿಶೀಲನೆ ವೇಳೆ ದ್ವಿಚಕ್ರ ಸವಾರನೋರ್ವ ಬ್ಯಾಗ್‌ ಕೊಂಡೊಯ್ಯುತ್ತಿರುವುದು ಕಂಡುಬಂದಿದೆ. ಈ ಬಗ್ಗೆ ಅವರು ಸುಳ್ಯ ಠಾಣೆಗೆ ದೂರು ನೀಡಿದ್ದಾರೆ. ಬ್ಯಾಗ್‌ನಲ್ಲಿ ನಾಲ್ಕು ಪವನ್‌ ಚಿನ್ನಾಭರಣ ಹಾಗೂ 9 ಸಾವಿರ ನಗದು ಇತ್ತು ಎಂದು ದೂರಿನಲ್ಲಿ ತಿಳಿಸಲಾಗಿದೆ.

Advertisement

Udayavani is now on Telegram. Click here to join our channel and stay updated with the latest news.

Next