Kasaragodu: ರೈಲಿನಿಂದ ಬಿದ್ದು ವ್ಯಕ್ತಿ ಸಾವು

ಕಾಸರಗೋಡು: ತಮಿಳುನಾಡಿನಲ್ಲಿ ರೈಲಿನಿಂದ ಬಿದ್ದು ಕಾಸರಗೋಡು ಮುಕ್ಕೂಟ್‌ ನಿವಾಸಿ ಕುಂಞಹಮ್ಮದ್‌ ಖಾದಿರಿ (72) ಸಾವಿಗೀಡಾದರು.

ಬುಧವಾರ ಬೆಳಗ್ಗೆ ವೆಲ್ಲೂರು ಸಮೀಪದ ಕಾಟ್‌ಪಾಡಿ ರೈಲು ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ. ಮುಕ್ಕೂಟ್‌ನಿಂದ ಗೆಳೆಯರೊಂದಿಗೆ ತೀರ್ಥಾಟನೆಗೆ ಹೋಗಿದ್ದ ಕುಂಞಹಮ್ಮದ್‌ ಖಾದಿರಿ ಕಾಟ್‌ಪಾಡಿ ರೈಲು ನಿಲ್ದಾಣದಲ್ಲಿ ಚಹಾ ಕುಡಿಯಲೆಂದು ರೈಲಿನಿಂದ ಇಳಿದಿದ್ದರು.

ರೈಲು ಪ್ರಯಾಣ ಆರಂಭಿಸಿದಾಗ ಓಡಿ ರೈಲು ಹತ್ತಲು ಪ್ರಯತ್ನಿಸಿದಾಗ ರೈಲಿನಿಂದ ಬಿದ್ದು ಸಾವನ್ನಪ್ಪಿದ್ದಾರೆ. ಮೃತದೇಹವನ್ನು ವೆಲ್ಲೂರು ಆಸ್ಪತೆಗೆ ಕೊಂಡೊಯ್ಯಲಾಗಿದೆ.