Kasaragod: ಮನೆಯಿಂದ 1 ಕೋ.ರೂ. ನಗದು, 300 ಪವನ್‌ ಚಿನ್ನ ಕಳವು; ನೆರೆಮನೆ ನಿವಾಸಿಯ ಬಂಧನ

ಕಾಸರಗೋಡು: ಆಕ್ಕಿ ವ್ಯಾಪಾರಿ ಕಣ್ಣೂರು ವಳಪಟ್ಟಣಂ ಮನ್ನ ನಿವಾಸಿ ಅಶ್ರಫ್‌ ಅವರ ಮನೆಯಿಂದ ಒಂದು ಕೋಟಿ ರೂ. ನಗದು ಮತ್ತು 300 ಪವನ್‌ ಚಿನ್ನಾಭರಣ ಕಳವು ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿ ನೆರೆಮನೆಯ ಸಿ.ಪಿ. ಲಿಜೇಶ್‌ (45) ಎಂಬಾತನನ್ನು ವಳಪಟ್ಟಣಂ ಪೊಲೀಸರು ಬಂಧಿಸಿದ್ದಾರೆ.

ನ. 20ರಂದು ರಾತ್ರಿ ಮನೆಯಲ್ಲಿ ಯಾರೂ ಇಲ್ಲದ ಸಂದರ್ಭ ಹಿಂಭಾಗದ ಕಿಟಕಿ ಸರಳುಗಳನ್ನು ಕಿತ್ತು ಒಳಗೆ ನುಗ್ಗಿ ಮನೆಯೊಳಗಿದ್ದ ಕೀಲಿ ಕೈ ಬಳಸಿ ಕಪಾಟಿನಿಂದ ಚಿನ್ನಾಭರಣ ಮತ್ತು ನಗದು ಕಳವು ಮಾಡಲಾಗಿತ್ತು. ಕಳವು ಮಾಡಿದ ನಗ-ನಗದನ್ನು ಲಿಜೇಶ್‌ನ ಮನೆಯ ಮಂಚದ ಅಡಿಭಾಗದಲ್ಲಿ ಕಬ್ಬಿಣದಿಂದ ನಿರ್ಮಿಸಿದ ಕಪಾಟಿನೊಳಗಿನಿಂದ ಪೊಲೀಸರು ಪತ್ತೆಹಚ್ಚಿದ್ದಾರೆ.