ರಾಜ್ಯ ವಿಧಾನಸಭಾ ಚುನಾವಣೆ: ಮೇ 12ರಂದು ಮತದಾನ, ಮೇ 15 ಫ‌ಲಿತಾಂಶ

ಹೊಸದಿಲ್ಲಿ : 2018ರ ಕರ್ನಾಟಕ ವಿಧಾನಸಭಾ ಚುನಾವಣೆಗೆ ಮೇ 12ರಂದು ಮತದಾನ ನಡೆಯಲಿದ್ದು ಮೇ 15ರಂದು ಫ‌ಲಿತಾಂಶ ಪ್ರಕವಾಗಲಿದೆ. 

ಚುನಾವಣೆಯು ಒಂದೇ ಹಂತದಲ್ಲಿ ನಡೆಯಲಿದೆ ಎಂದು ದಿನಾಂಕ ಪ್ರಕಟನೆ ಮಾಡಿದ ಮುಖ್ಯ ಚುನಾವಣಾ ಆಯುಕ್ತ ಓಂ ಪ್ರಕಾಶ್‌ ರಾವತ್‌ ಸುದ್ದಿಗೋಷ್ಠಿಯಲ್ಲಿ ಹೇಳಿದರು. 

ಇಂದು ಮಂಗಳವಾರದಿಂದಲೇ ಚುನಾವಣಾ ನೀತಿ ಸಂಹಿತೆ ಜಾರಿಗೆ ಬಂದಿರುತ್ತದೆ ಎಂದು ರಾವತ್‌ ಹೇಳಿದರು. 

2018ರ ಎ.17ರಂದು ಚುನಾವಣಾ ಅಧಿಸೂಚನೆ ಪ್ರಕಟಗೊಳ್ಳುತ್ತದೆ. 

ನಾಮಪತ್ರ ಸಲ್ಲಿಕೆಗೆ ಅಂತಿಮ ದಿನ 24 ಎಪ್ರಿಲ್‌ 2018 ಆಗಿರುತ್ತದೆ. 

ನಾಮಪತ್ರ ಪರಿಶೀಲನೆ 25 ಎಪ್ರಿಲ್‌ 2018ರಂದು ನಡೆಯುತ್ತದೆ.

ನಾಮ ಪತ್ರ ಹಿಂದೆಗೆತಕ್ಕೆ ಕೊನೇ ದಿನ 27 ಎಪ್ರಿಲ್‌ 2018.

ಮತದಾನದ ದಿನ : 12 ಮೇ 2018

ಮತ ಎಣಿಕೆ (ಫ‌ಲಿತಾಂಶ) ದಿನ : 15 ಮೇ 2018.