ಇಂದಿನಿಂದ ಕರ್ನಾಟಕ ಬ್ಯಾಡ್ಮಿಂಟನ್‌ ಲೀಗ್‌

ಬೆಂಗಳೂರು: ಶುಕ್ರವಾರದಿಂದ ಕರ್ನಾಟಕ ಗ್ರ್ಯಾನ್‌ಪ್ರೀ ಬ್ಯಾಡ್ಮಿಂಟನ್‌ ಲೀಗ್‌ (ಜಿಬಿಪಿಎಲ್‌) ಆರಂಭವಾಗಲಿದೆ.

ಬೆಂಗಳೂರಿನ “ಕರ್ನಾಟಕ ಬ್ಯಾಡ್ಮಿಂಟನ್‌ ಸಂಸ್ಥೆ’ಯ ಆವರಣದಲ್ಲಿ ಸ್ಪರ್ಧೆಗಳು ನಡೆಯಲಿವೆ. 10 ದಿನಗಳ ಈ ಕೂಟದಲ್ಲಿ 8 ತಂಡಗಳು ಸ್ಪರ್ಧಿಸಲಿವೆ.

ಮೊದಲ ಪಂದ್ಯ ಬಂಡೀಪುರ ಟಸ್ಕರ್ಸ್‌ ಹಾಗೂ ಮಂಡ್ಯ ಬುಲ್ಸ್‌ ನಡುವೆ ನಡೆಯಲಿದೆ. ಇನ್ನೊಂದು ಪಂದ್ಯದಲ್ಲಿ ಕೊಡಗು ಟೈಗರ್ಸ್‌ ಮತ್ತು ಮಂಗಳೂರು ಶಾರ್ಕ್ಸ್ ಎದುರಾಗಲಿವೆ.

ಆ. 21ರಂದು ಫೈನಲ್‌ ನಡೆಯಲಿದೆ. ವಿಜೇತರಿಗೆ ನೀಡಲಾಗುವ ಪ್ರಶಸ್ತಿ ಮೊತ್ತ 24 ಲಕ್ಷ ರೂ.