Karkala: ಅಕ್ರಮ ಮರಳು ಸಾಗಾಟ: ಪ್ರಕರಣ ದಾಖಲು

ಕಾರ್ಕಳ: ಪರವಾನಿಗೆ ರಹಿತ ಅಕ್ರಮ ಮರಳು ಸಾಗಾಟ ನಡೆಸಿದ ಕುರಿತು ಕಾರ್ಕಳ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮುಂಡ್ಕೂರು ಗ್ರಾಮದ ವಿದ್ಯಾವರ್ಧಕ ಕಾಲೇಜು ಬಳಿ ಜಾರಿಗೆಕಟ್ಟೆ ಕಡೆಯಿಂದ ಮುಂಡ್ಕೂರು ಕಡೆಗೆ ಅಜಯ್‌ ಎಂಬಾತ ಟಿಪ್ಪರ್‌ನಲ್ಲಿ ಅಕ್ರಮವಾಗಿ ಮರಳು ಸಾಗಾಟ ಮಾಡುತ್ತಿದ್ದುದನ್ನು ಪೊಲೀಸರು ಪತ್ತೆಹಚ್ಚಿದ್ದಾರೆ. ಮಾಲಕ ಮುಂಡ್ಕೂರು ಮಹಾಬಲ ಅವರ ಸೂಚನೆಯಂತೆ ಮೂಲ್ಕಿ ತಾಲೂಕು ಉಳೆಯಪಾಡಿಯಿಂದ 2 ಟನ್‌ ಮರಳನ್ನು ಕದ್ದು ಆರೋಪಿ ಸಾಗಿಸುತ್ತಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.